فوتو: جي كومەگىمەن جاسالعان
ءمينيستردىڭ ايتۋىنشا, جىل باسىنان بەرى ۆەدومستۆوارالىق ءىس-شارالار جوسپارى جۇزەگە اسىرىلىپ كەلەدى. ونىڭ اياسىندا ەڭبەك كودەكسى مەن «قىزمەتكەردى ەڭبەك مىندەتتەرىن اتقارۋ كەزىندە جازاتايىم وقيعالاردان مىندەتتى ساقتاندىرۋ تۋرالى» زاڭعا وزگەرىستەر ەنگىزۋ قاراستىرىلىپ جاتىر.
ۇسىنىلعان تۇزەتۋلەرگە سايكەس, جۇمىس بەرۋشىلەردىڭ كامەلەتكە تولماعان قىزمەتكەرلەر ءۇشىن قاۋىپسىز ەڭبەك جاعدايلارىن قامتاماسىز ەتۋ جاۋاپكەرشىلىگى كۇشەيتىلەدى. سونىمەن قاتار جاسوسپىرىمدەردىڭ جازاتايىم وقيعالاردان ساقتاندىرۋ قورعانىسىن الۋ قۇقىعى زاڭ جۇزىندە بەكىتىلمەك.
تارازدىق وقۋشى قاتەرلى ىسىكتى انىقتايتىن عىلىمي جوباسىمەن الەمدىك كورمەدە توپ جاردى
سونداي-اق قۇجاتتا كامەلەتكە تولماعانداردى جۇمىسقا تارتۋدىڭ رۇقسات ەتىلەتىن جانە تىيىم سالىناتىن تۇرلەرى ناقتى ايقىندالادى. بۇل رەتتە ولاردىڭ جاسى, اتقاراتىن جۇمىسىنىڭ سيپاتى جانە قاۋىپسىزدىك تالاپتارى ەسكەرىلەدى.
ۆەدومستۆو مالىمەتىنشە, ۇسىنىلىپ وتىرعان وزگەرىستەر حالىقارالىق ەڭبەك ۇيىمى قابىلداعان №182 كونۆەنتسيا تالاپتارىنا سايكەس كەلەدى. اتالعان قۇجات بالالار ەڭبەگىنىڭ ەڭ اۋىر تۇرلەرىنە تىيىم سالۋعا باعىتتالعان.
زاڭنامالىق وزگەرىستەرمەن قاتار باقىلاۋ شارالارى دا كۇشەيتىلەدى. ەندى كامەلەتكە تولماعانداردىڭ جۇمىسپەن قامتىلۋىنا مونيتورينگ ارنايى ەڭبەك تاۋەكەلدەرى كارتاسى ارقىلى تسيفرلىق فورماتتا جۇرگىزىلەدى. بۇدان بولەك, تاۋەكەلى جوعارى سالالارداعى بەيرەسمي جۇمىسپەن قامتۋعا باقىلاۋ كۇشەيتىلمەك.
ايتا كەتەيىك, ەلىمىزدە 5 مىڭنان استام وقۋشى جۇمىس ىستەپ ءجۇر.
