فوتو: اشىق دەرەككوز
قالالىق سانيتارلىق-ەپيدەميولوگيالىق باقىلاۋ دەپارتامەنتىنىڭ مالىمەتىنشە, مال سويۋ تەك ارنايى بەلگىلەنگەن جانە جابدىقتالعان ورىنداردا عانا رۇقسات ەتىلەدى. تۇرعىن ۇيلەردىڭ اۋلاسىندا, كوشەدە, پودەزدەردە جانە باسقا دا قوعامدىق ورىنداردا مال سويۋعا تىيىم سالىنادى.
وسى ماقساتتا ەلوردادا بەس ارنايى الاڭ بەلگىلەنگەن:
بايقوڭىر اۋدانى:
• «شانحاي» بازارى – الاش تاسجولى, 34/6;
• «باراكات» بازارى – ا 369 كوشەسى, 10;
• «جايلاۋ» بازارى – الاش تاسجولى, تس 313 كوشەسى;
• «شاۋشەن» شارۋا قوجالىعى – الاش تاسجولى, 136ب.
الماتى اۋدانى:
• «ەت-حان» ەت تسەحى – تەمىرجولشىلار ەلدى مەكەنى, اقجار كوشەسى, 20.
بيىل قۇربان ايت مەرەكەسى ەرەكشە فورماتتا تويلانباق: باس ءمۇفتي ماڭىزدى مالىمدەمە جاسادى
مال سويىلعان ورىنداردا قالعان قالدىقتار بەلگىلەنگەن تارتىپپەن جويىلۋى قاجەت. ولاردى تۇرمىستىق قالدىق كونتەينەرلەرىنە تاستاۋعا بولمايدى.
تۇرعىندار سانيتارلىق تالاپتاردى ساقتاۋى, قوعامدىق ءتارتىپتى بۇزباۋى جانە قۇربان ايت كەزىندە قاۋىپسىزدىك ەرەجەلەرىنە جاۋاپكەرشىلىكپەن قاراۋى قاجەت.
ەسكە سالايىق, بۇعان دەيىن قۇربان ايت قارساڭىندا مال باعاسى قىمباتتاعانى تۋرالى حابارلاعانبىز.
