فوتو: wikipedia
وقيعا 23 مامىر كۇنى تسەلل-ام-زە قالاسى ماڭىندا بولعان. پاراپلانشى ايەل اسا اۋىر جاراقات العان جوق. الەۋمەتتىك جەلىلەردە تاراعان بەينەجازبادا ۇشاقتىڭ پاراپلانعا جاقىنداپ كەلىپ, ءۆينتتىڭ ماتانى جىرتىپ جىبەرگەنى كورىنەدى.
سوققىدان كەيىن ايەل تومەن قاراي قۇلاي باستاعان, بىراق ول قوسالقى ءپاراشيۋتىن اشىپ ۇلگەرىپ, ورمان جولىنا قونعان. جەرگە تۇسكەن سوڭ ول كامەراعا قاراپ: «مەن ءالى ءتىرىمىن, بۇل ەڭ باستىسى» دەگەن.
كەيىن ول بىرنەشە جەرى كوگەرگەنىن جانە جەڭىل سوققىلار العانىن ايتىپ, بۇل كۇندى «ەكىنشى تۋعان كۇنىم» دەپ اتاعان.
پوليتسيانىڭ مالىمەتىنشە, Cessna ۇشاعىن تيرولدەن كەلگەن 28 جاستاعى ۇشقىش باسقارعان. ول شولۋ رەيسىن ورىنداپ جۇرگەن جانە پاراپلاننان قاشىپ ۇلگەرمەگەنىن ايتقان. تەرگەۋ اياقتالعاننان كەيىن ءىس زالتسبۋرگ پروكۋراتۋراسىنا جىبەرىلەدى. ۇشقىشقا قاۋىپسىزدىككە قاتەر ءتوندىرۋ بابى بويىنشا ايىپ تاعىلىپ, ءۇش ايعا دەيىن باس بوستاندىعىنان ايىرۋ جازاسى قاراستىرىلۋى مۇمكىن.
اقتاۋ ماڭىنداعى ۇشاق اپاتى: قازا تاپقانداردىڭ تۋىستارىنا وتەماقى تولەندى
