فوتو: kazgazeta.kz (ارحيۆ)
ولجاس بەكتەنوۆتىڭ ايتۋىنشا, ىشكى ىستەر, توتەنشە جاعدايلار مينيسترلىكتەرى اكىمدىكتەرمەن بىرگە بالالار مەن جاستار كوپ جينالاتىن ورىنداردا پاترۋلدەۋدى ۇيىمداستىرىپ, مەكتەپ ءبىتىرۋ ءىس-شارالارى كەزەڭىندە, بالالار ورتالىقتارى مەن ساۋىقتىرۋ ۇيىمدارىنا پوليتسيا قىزمەتكەرلەرىن بەكىتىپ قويۋى قاجەت.
«بالالار لاگەرلەرىنىڭ جەتەكشىلەرىمەن, نۇسقاۋشىلارمەن جانە تاربيەشىلەرمەن قاۋىپسىزدىك شارالارى تۋرالى ءتۇسىندىرۋ جۇمىستارىن جۇرگىزىپ, دەمالۋشىلاردى ەۆاكۋاتسيالاۋ جانە قۇتقارۋ بويىنشا جاتتىعۋلار وتكىزىڭىزدەر», دەدى پرەمەر-مينيستر.
مينيستر: بالالاردىڭ جازعى دەمالىسى جاڭا تالاپپەن ۇيىمداستىرىلادى
ولجاس بەكتەنوۆ دەمالىس كەزىندە جاستاردى زاڭسىز ارەكەتكە تارتۋ قاۋپى ارتا تۇسەتىنىن اتاپ ءوتتى.
«كانيكۋل كەزىندە جاستاردى زاڭسىز ارەكەتكە تارتۋ قاۋپى ارتا تۇسەدى. كامەلەتكە تولماعانداردى قىلمىس تۇزاعىنا تارتاتىندارعا بۇلتارتپاس جازا قولدانۋدى قامتاماسىز ەتۋ قاجەت. قوعام مەن الەۋمەتتىك جەلىلەردەگى كەز كەلگەن دابىلعا دەرەۋ جاۋاپ بەرۋ كەرەك», دەدى پرەمەر-مينيستر.
ەسكە سالايىق, بالالار قاۋىپسىزدىگى ءۇشىن 7 مىڭعا جۋىق سايتقا شەكتەۋ قويىلدى.
