جيىنعا مادەنيەت جانە اقپارات مينيسترلىگىنىڭ وكىلدەرى, قارۋلى كۇشتەرىنىڭ ارداگەرلەرى, «جاس سارباز» اسكەري-پاتريوتتىق قوزعالىسىنىڭ تاربيەلەنۋشىلەرى جانە وزگە دە قوناقتار قاتىستى.
«ارداگەر وسيەتى» مارافونى 25 ماۋسىم مەن 24 قىركۇيەك ارالىعىندا ءوتىپ, ەلىمىزدىڭ بارلىق 20 ءوڭىرىن قامتىدى.
ءتورت اي بويى ۇلى وتان سوعىسى ارداگەرلەرىنىڭ وسيەت-حاتتارى جيناقتالدى. باستامانىڭ ماقساتى – ۇرپاقتار ساباقتاستىعىن نىعايتۋ, تاريحي قۇندىلىقتاردى ساقتاۋ جانە ناسيحاتتاۋ.
مارافون قورىتىندىسى بويىنشا ارداگەرلەرمەن تۇسكەن ەستەلىك فوتوسۋرەتتەر مەن بار اقپارات «باتىرلارعا تاعزىم» پورتالىنا جۇكتەلىپ, وسيەت حات اسكەري-تاريحي مۋزەي قورىنا تابىستالدى.
تارازداعى اسكەري مەكتەپ-ينتەرناتقا باۋىرجان مومىش ۇلىنىڭ ەسىمى بەرىلەدى
سونداي-اق «ەل ءۇشىن تۋعان ەردىڭ ءىزى» اتتى كورمە مەن ەرلىك ساباعى ۇيىمداستىرىلدى. ءىس-شارا بارىسىندا مۋزەيدىڭ عىلىمي قىزمەتكەرلەرى باۋىرجان مومىش ۇلىنىڭ ەرلىگى مەن سوعىستان كەيىنگى ءومىرى تۋرالى عىلىمي باياندامالار جاسادى. بۇدان بولەك, ب.مومىش ۇلىنا ارنالعان ارنايى ەكسپوزيتسيا جانە جاساندى ينتەللەكت تەحنولوگياسى ارقىلى باتىردىڭ داۋىسى قولدانىلعان اۋديوسپەكتاكل ۇسىنىلدى.
باۋىرجان مومىش ۇلىنا «حالىق قاھارمانى» اتاعى رەسمي تۇردە بەرىلدى
ءىس-شارانى مادەنيەت جانە اقپارات مينيسترلىگى مەن قارۋلى كۇشتەرى ۇلتتىق اسكەري-پاتريوتتىق ورتالىعىنىڭ اسكەري-تاريحي مۋزەيىمەن بىرلەسىپ ۇيىمداستىرعان.
