فوتو: اشىق دەرەككوز
قازاقستان بوكس فەدەراتسياسىنىڭ باس حاتشىسى مەرەي اقشالوۆتىڭ مالىمدەۋىنشە, بيىل ەرلەر مەن ايەلدەر قۇراماسى جوسپارلانعان بارلىق جارىستارعا قاتىسىپ, World Boxing جانە IBA اياسىنداعى تۋرنيرلەردە تابىستى ونەر كورسەتتى.
الداعى ۋاقىتتا سپورتشىلاردىڭ دايىندىعىنا قاتىستى ستراتەگيالىق وزگەرىستەر ەنگىزىلمەك. بيىلدىڭ وزىندە ءتورت بوكسشى امەريكادا ءبىر جارىم اي بويى تاجىريبە جيناقتاپ قايتتى.
«2028 جىلى وليمپيادا اقش-تا وتەتىندىكتەن, ءبىز سپورتشىلارىمىزدى سول جاققا جۇيەلى تۇردە جىبەرىپ تۇرامىز. بۇل بوكسشىلاردىڭ جەرگىلىكتى جاعدايعا بەيىمدەلۋىنە جانە شەبەرلىكتەرىن شىڭداۋىنا سەپتىگىن تيگىزەدى», دەدى مەرەي اقشالوۆ.
ەسكە سالايىق, ايدا ابىكەەۆا ايەلدەر اراسىنداعى 2025 جىلدىڭ ۇزدىك بوكسشىسى اتاندى.
