فوتو: قورعانىس مينيسترلىگى
جەكە قۇرام داڭقتى قولباسشى باۋىرجان مومىش ۇلىنىڭ رۋحىنا ءبىر مينۋت ۇنسىزدىكپەن تاعزىم ەتتى. باتىردىڭ 115 جىلدىعىنا وراي ۇشۋلاردى باسقارۋ پۋنكتىندە ۆولوكولامسك تۇبىندەگى شايقاسقا قاتىسقان جاۋىنگەردىڭ ءومىر جولى مەن ەرلىك ىستەرىنە ارنالعان ەستەلىك بۇرىش بەزەندىرىلدى.
قورعانىس مينيسترلىگىنىڭ مالىمەتىنشە, ۇشۋلارعا س-295, سۋ-30سم, سۋ-27, ل-39س ۇشاقتارى, مي-17, مي-35, مي-171 تىكۇشاقتارى, سونداي-اق ANKA ۇشقىشسىز ۇشۋ اپپاراتى تارتىلعان. وقۋ-جاتتىعۋ ۇشۋلارى شتاتتىق رەجيمدە ءوتىپ, قويىلعان بارلىق مىندەتتەر تولىق كولەمدە ورىندالدى.
«بۇل ۇشۋلارعا قاتىسۋ – ءاربىر اسكەري ۇشقىش ءۇشىن ۇلكەن مارتەبە ءارى زور جاۋاپكەرشىلىك. وقۋ-جاتتىعۋ ساباقتارىن باۋىرجان مومىش ۇلىنىڭ ەسىمىمەن بايلانىستىرا وتىرىپ, ءبىز ونىڭ وتان الدىنداعى ەڭبەگىنە تەرەڭ قۇرمەتىمىزدى بىلدىردىك. ونىڭ ومىرلىك قاعيدالارى مەن ادامگەرشىلىك وسيەتتەرى اسكەري قىزمەتشىلەر ءۇشىن رۋحاني باعدار مەن مورالدىق تىرەك», دەدى اسكەري-اۋە كۇشتەرى قولباسشىسىنىڭ ورىنباسارى پولكوۆنيك مەدەت اسكەتاەۆ.
ەسكە سالايىق, قازىر ۇلتتىق ۇلان قاتارىندا باۋىرجان ەسىمدى 249 اسكەري قىزمەتشى وتان الدىنداعى بورىشىن وتەپ ءجۇر.
