فوتو: istockphoto.com
جاساندى ينتەللەكت جانە تسيفرلىق دامۋ ءبىرىنشى ۆيتسە-ءمينيسترى روستيسلاۆ كونياشكين ءماجىلىس كۋلۋارىندا مالىمدەگەندەي, «Kundelik» جۇيەسىنىڭ بۇزىلۋى تۋرالى اقپارات ازىرگە راستالعان جوق. ونىڭ ايتۋىنشا, ماماندار مۇقيات تەكسەرۋ جۇرگىزىپ جاتىر, بىراق الدىن الا مالىمەتتەر دەرەكتەردىڭ اعىپ كەتۋ فاكتىسىن كورسەتپەگەن.
«تەكسەرۋ ءالى دە جالعاسىپ جاتىر. باستاپقىدا ۇسىنىلعان اقپارات دالەلدەنبەدى. قورىتىندى ناتيجەلەر دايىن بولعاندا, ءبىز نەمەسە وقۋ-اعارتۋ مينيسترلىگى رەسمي جاۋاپ بەرەمىز», دەدى كونياشكين.
ەسكە سالساق, 12 جەلتوقساندا ءانونيمدى Telegram-ارنالاردىڭ بىرىندە 2025 جىلدىڭ قىركۇيەگىنە دەيىنگى وزەكتى دەرەكتەر – وقۋشىلاردىڭ اتى-ءجونى, تۋعان كۇندەرى مەن مەكتەپتەرى جەلىگە شىعىپ كەتتى دەگەن حابارلاما تاراعان ەدى.
ۆەدومستۆو ەگەر زاڭ بۇزۋشىلىق انىقتالسا, كىنالىلەر ءتيىستى جازاعا تارتىلاتىنىن ەسكەرتتى. ال «Kundelik» كومپانياسى بۇل جاعدايدى جوققا شىعارىپ, ءوز بەتىنشە ىشكى تەحنيكالىق اۋديت جۇرگىزىپ جاتقانىن جەتكىزدى.
