فوتو: اشىق دەرەككوز
قوردىڭ KASE-دە جاريالانعان 2025 جىلدىڭ 9 ايىنا ارنالعان قارجىلىق ەسەبىنە سايكەس, اكتسيالاردى ساتۋ پروتسەسى 2025 جىلدىڭ 6 مامىرىندا تولىق اياقتالعان. كەلىسىمشارت ناتيجەسىندە اۋە كومپانياسىنىڭ 49%-ى Sovico Group حولدينگىنە قاراستى Central Asia Aviation Holdings Limited كومپانياسىنا, ال تاعى 2%-ى Kazasia Holdings Limited (يەسى تاحير فام) مەنشىگىنە ءوتتى. «سامۇرىق-قازىنا» قورىندا كومپانيانىڭ 49% ۇلەسى قالدى.
اۋەتاسىمالداۋشىنى جەكەشەلەندىرۋ پروتسەسى 2023 جىلدىڭ تامىزىندا باستالعان بولاتىن. باستاپقىدا كومپانيا 10,2 ميلليارد تەڭگەگە باعالانىپ, ساتىپ الۋشى 38 ميلليارد تەڭگە كولەمىندەگى قارىزدى وتەۋ مىندەتىن الۋى ءتيىس ەدى. الايدا, وتىنىمدەردىڭ بولماۋىنا بايلانىستى كونكۋرس ەكى رەت وتپەي قالدى.
2024 جىلدىڭ مامىرىندا پرەزيدەنت قاسىم-جومارت توقاەۆ قازاقستان – سينگاپۋر بيزنەس-فورۋمىندا كومپانيانىڭ ۆەتنامدىق ينۆەستورلارعا ساتىلاتىنىن رەسمي تۇردە جاريالادى. كەيىنىرەك كولىك ءمينيسترى مارات قاراباەۆ مامىلە سوماسى شامامەن 2 ميلليارد تەڭگە بولادى دەپ بولجاعان ەدى.
ساتۋ باعاسىنىڭ 1 ميلليارد تەڭگەگە دەيىن تومەندەۋى قازاقستاننىڭ باستاپقىدا كومپانيانىڭ 100% اكتسياسىن ساتۋدى جوسپارلاپ, كەيىن تەك 51%-ىن ساتۋ تۋرالى شەشىم قابىلداۋىمەن بايلانىستى بولۋى مۇمكىن.
كەلىسىم شارتتارىنا سايكەس, جاڭا ينۆەستورلار كومپانيانىڭ قارىزدارىن وتەپ قانا قويماي, اۋە پاركىن جاڭا ۇشاقتارمەن تولىقتىرۋعا مىندەتتەلدى.
