فوتو: اشىق دەرەككوز
سۋ رەسۋرستارى جانە يرريگاتسيا ءمينيسترى نۇرجان نۇرجىگىتوۆتىڭ ايتۋىنشا, قازىرگى تاڭدا «قازسۋشار» رمك قىزمەتكەرلەرىنىڭ ورتاشا جالاقىسى ەكى ەسە ءوسىپ, 300 مىڭ تەڭگەنى قۇراپ وتىر.
ەڭبەك جاعدايلارىن جاقسارتۋ شارالارى اياسىندا, بيىلدان باستاپ «قازسۋشار» رمك-ءنىڭ 425 ماۋسىمدىق قىزمەتكەرى تۇراقتى قىزمەت ورىندارىنا اۋىستىرىلدى.
«قازسۋشار» رمك فيليالدارى ءۇشىن 757 ارنايى تەحنيكا مەن اۆتوكولىك ساتىپ الۋ جۇمىسى باستالدى. بۇگىنگە دەيىن جوسپارلانعان 757 تەحنيكانىڭ 576-سى الىندى.
«بۇگىنگى تاڭدا جوسپارلانعان 757 تەحنيكانىڭ 576-سى ساتىپ الىندى. سونىمەن قاتار 2028 جىلعا دەيىنگى جول كارتاسى اياسىندا ق.ساتپاەۆ اتىنداعى كانالدى جاڭعىرتۋ جانە تەحنيكالىق قايتا جاراقتاندىرۋ جۇمىستارى باستالدى. جۇمىستارعا 17 ترانسفورماتوردى ساتىپ الۋ, سونداي-اق 19 سورعى اگرەگاتىن جاڭعىرتۋ جانە جوندەۋ كىرەدى», دەدى ول.
