ۇلتتىق كومپانيانىڭ مالىمەتىنشە, ەلىمىزدىڭ بىرقاتار وبلىسىندا جاڭبىر ارالاس قار مەن قار جاۋادى دەپ بولجانىپ وتىر. بۇل جول جاعدايىنىڭ كۇردەلەنۋىنە اكەلۋى مۇمكىن.
قولايسىز اۋا رايى كەلەسى وڭىرلەردە كۇتىلەدى:
-
اقمولا وبلىسى
-
باتىس قازاقستان وبلىسى
-
قاراعاندى وبلىسى
-
اقتوبە وبلىسى
-
قوستاناي وبلىسى
-
ماڭعىستاۋ وبلىسى
-
اتىراۋ وبلىسى
-
سولتۇستىك قازاقستان وبلىسى
-
پاۆلودار وبلىسى
-
شىعىس قازاقستان وبلىسى
-
الماتى وبلىسى
-
اباي وبلىسى
-
ۇلىتاۋ وبلىسى
جۇرگىزۋشىلەرگە قاۋىپسىزدىك شارالارىن ساقتاۋ ەسكەرتىلدى
اۋا رايىنىڭ قولايسىزدىعىنا بايلانىستى «قازاۆتوجول» جۇرگىزۋشىلەردى جىلدامدىق رەجيمىن ساقتاۋعا, اراقاشىقتىقتى ۇستانۋعا, جول قوزعالىسى قاۋىپسىزدىگى ەرەجەلەرىن قاتاڭ ورىنداۋعا شاقىرادى. سونداي-اق تاسجولدا كوكتايعاقتىڭ پايدا بولۋى مەن كورىنۋدىڭ ناشارلاۋىن ەسكەرۋ قاجەت.
ايتا كەتەيىك, رەسپۋبليكالىق اۆتوجولداردىڭ جاي-كۇيى مەن اۋا رايى جاعدايى تۋرالى جەدەل اقپارات الۋ ءۇشىن جۇرگىزۋشىلەر تاۋلىك بويى 1403 ءنومىرى ارقىلى كولل-ورتالىققا حابارلاسا الادى.
