فوتولار: Turizm jane sport ministrligi
ءىس-شاراعا تۋريزم جانە سپورت ءمينيسترى ەربول مىرزابوسىنوۆ, وقۋ-اعارتۋ ءمينيسترى جۇلدىز سۇلەيمەنوۆا, قازاقستان دزيۋدو فەدەراتسياسىنىڭ پرەزيدەنتى قۋانىشبەك ەسەكەەۆ, «جەڭىس» سپورت كلۋبى, حالىقارالىق دزيۋدو فەدەراتسياسىنىڭ (IJF) جانە دزيۋدودان ۇلتتىق قۇراما مۇشەلەرى مەن وليمپيادا جانە الەم چەمپيوناتتارىنىڭ جۇلدەگەرلەرى ءابيبا ابۋجاقىنوۆا مەن عۇسمان قىرعىزباەۆ قاتىستى.
دزيۋدو زالىنىڭ اشىلۋى ۇلتتىق عىلىمي-پراكتيكالىق دەنە تاربيەسى ورتالىعىنىڭ حالىقارالىق دزيۋدو فەدەراتسياسىمەن (IJF) ءوزارا ءىس-قيمىلى جانە تۋريزم جانە سپورت مينيسترلىگىنىڭ قاتىسۋىمەن جۇزەگە اسىرىلىپ جاتقان Judo in Schools («مەكتەپتەگى دزيۋدو») باعدارلاماسى اياسىندا ءوتتى. باعدارلاما زاماناۋي جابدىقتارمەن قامتىلعان, ادىستەمەلىك بازاسى بار مەكتەپ دزيۋدو زالدارىنىڭ جەلىسىن كەزەڭ-كەزەڭىمەن قۇرۋدى كوزدەيدى.
العاشقى كەزەڭدە №45 مەكتەپتىڭ («كەلەشەك مەكتەبى») دزيۋدو زالى زاماناۋي سپورت قۇرال-جابدىقتارىمەن قامتاماسىز ەتىلدى. ءبىلىم بەرۋ ۇيىمىنا وقۋشىلارعا ارنالعان ارنايى سپورتتىق ينۆەنتار مەن دزيۋدو كيمونولارى تەگىن تابىستالدى.
تۋريزم جانە سپورت مينيسترلىگى, وقۋ-اعارتۋ مينيسترلىگى, حالىقارالىق دزيۋدو فەدەراتسياسى, قازاقستان دزيۋدو فەدەراتسياسى جانە «جەڭىس» سپورت كلۋبى اراسىندا ىنتىماقتاستىق تۋرالى مەموراندۋمعا قول قويىلدى. قۇجات مەكتەپ سپورتىن دامىتۋ باعىتىندا تاراپتاردىڭ تۇراقتى ءوزارا ءىس-قيمىل تەتىگىن قالىپتاستىرۋدى كوزدەيدى.
ەلىمىزدە دزيۋدو سپورتى تۇراقتى دامىپ كەلەدى. ەلدوس سمەتوۆتىڭ پاريج وليمپياداسىنداعى تاريحي التىن جۇلدەسىنەن كەيىن بۇل سپورت تۇرىنە دەگەن قىزىعۋشىلىق ەداۋىر ارتتى. بۇگىندە ەلىمىزدە دزيۋدومەن شامامەن 90 مىڭ ادام اينالىسادى, ال سپورتشىلاردى دايارلاۋمەن 1300-گە جۋىق جاتتىقتىرۋشى اينالىسادى.
