قالا باسشىسىنىڭ مالىمەتىنشە, قازىرگى تاڭدا قولدانىستاعى ليتسەي عيماراتى مورالدىق تۇرعىدان ەسكىرىپ, كۇردەلى جوندەۋدى قاجەت ەتەدى. وسىعان بايلانىستى جاراتىلىستانۋ باعىتىنداعى جانە دارىندى بالالارعا ارنالعان زاماناۋي تالاپتارعا ساي جاڭا وقۋ ورنىن سالۋ تۋرالى شەشىم قابىلدانعان.
بۇدان بولەك, تالدىقورعاندا ءبىلىم بەرۋ ينفراقۇرىلىمىن كەڭەيتۋگە ارنالعان بىرنەشە جوبا قولعا الىنعان. اتاپ ايتقاندا, «قۇلاگەر» جانە «باتىس» شاعىن اۋداندارىندا ارقايسىسى 1200 ورىندىق جاڭا مەكتەپتەردىڭ جوبالىق-سمەتالىق قۇجاتتارى ازىرلەنىپ, قۇرىلىس جۇمىستارى كەلەسى جىلى باستالادى دەپ جوسپارلانۋدا.
ايتا كەتۋ كەرەك, بۇگىندە قالا مەكتەپتەرىندە 37 مىڭنان استام وقۋشى ءبىلىم الۋدا. ونىڭ ىشىندە شامامەن 4 مىڭ بالا – بيىل مەكتەپ تابالدىرىعىن اتتاعان 1-سىنىپ وقۋشىلارى.
