فوتو: Rail-news.kz
پرەزيدەنتتىڭ كولىك-لوگيستيكا سالاسىن دامىتۋ جونىندەگى تاپسىرمالارىن جۇزەگە اسىرۋ شەڭبەرىندە بيىلعى جىلدىڭ سوڭىنا دەيىن 46 تەمىرجول ۆوكزالىن جاڭعىرتۋ جۇمىستارى اياقتالادى.
ءمينيستردىڭ ايتۋىنشا, رەسپۋبليكادا 124 تەمىرجول ۆوكزالىن جاڭعىرتۋ جۇمىستارى باستالعان, جىل سوڭىنا دەيىن ونىڭ 46-سىندا قۇرىلىس جۇمىستارى اياقتالادى.
«بيىل 175 جاڭا زاماناۋي جولاۋشىلار ۆاگونى ساتىپ الىندى. 2030 جىلعا دەيىن قتج-نىڭ ۆاگوندار پاركى تولىق جاڭارتىلادى», دەدى نۇرلان ساۋرانباەۆ.ايتا كەتەيىك, بۇعان دەيىن «قازاقستان تەمىر جولى» كومپانياسى جاڭا جىل مەرەكەسى قارساڭىندا جولاۋشىلارعا 53 مىڭنان استام قوسىمشا ورىن ۇسىناتىنىن حابارلاعان ەدىك.
