فوتو: Planespotters.net
مينيستر بۇل وتكەن جىلدىڭ سايكەس كەزەڭىمەن سالىستىرعاندا 6,5%-عا ارتىق ەكەنىن اتاپ ءوتتى. جۇكتەردى اۋە كولىگىمەن تاسىمالداۋ كەزىندەگى نەگىزگى تسيفرلىق قۇرال – e-Freight جۇيەسى. بۇگىنگى تاڭدا جۇيەنى ەلدىڭ بارلىق اۋەجايلارى مەن اۆياكومپانيالارى پايدالانىپ وتىر. بۇل IATA حالىقارالىق ستاندارتىنا سايكەس كەلەدى.
«قازىرگى ۋاقىتتا مەملەكەتتىك ورگاندار يمپورتتىق جانە ەكسپورتتىق كەدەندىك دەكلاراتسيا, فيتوسانيتاريالىق جانە ۆەتەريناريالىق باقىلاۋ بويىنشا ينتەگراتسيالىق جۇمىستاردى پىسىقتاپ جاتىر. بۇل بيزنەس-پروتسەستەردى تولىق اۆتوماتتاندىرۋعا مۇمكىندىك بەرەدى», دەدى نۇرلان ساۋرانباەۆ.ال تەمىرجول كولىگىمەن جۇك تاسىمالداۋ كولەمى وسى جىلدىڭ 10 ايىندا 380,3 ملن توننانى قۇرادى, بۇل وتكەن جىلدىڭ ۇقساس كەزەڭىمەن سالىستىرعاندا 7,9%-عا ارتىق. Digital Trade Coridor سياقتى سالانى تسيفرلاندىرۋ باستامالارى ترانزيتتىك جۇك اعىنىن ارتتىرۋعا باعىتتالعان. ەلەكتروندىق دەكلاراتسيالاۋ جانە بىرىڭعاي تەرەزە ارقىلى قىزمەت كورسەتۋ كەدەرگىلەردى جويۋعا جانە حالىقارالىق تاسىمالداۋشىلاردىڭ سەنىمىن ارتتىرۋعا ىقپال ەتەدى.
«قازىرگى ۋاقىتتا تەمىرجول سالاسىندا 250-دەن استام اقپاراتتىق جۇيە بار. سالاداعى ماڭىزدى اسپەكت – تسيفرلىق ترانسفورماتسيانى جۇرگىزۋ جانە حالىقارالىق تاجىريبەنى ەسكەرە وتىرىپ, وسى ماقساتتاعى IT-ارحيتەكتۋرانى قالىپتاستىرۋ», دەپ اتاپ ءوتتى ن.ساۋرانباەۆ.
