فوتو: اتوم ەنەرگياسى جونىندەگى اگەنتتىك
شارا بارىسىندا قر اتوم ەنەرگياسى جونىندەگى اگەنتتىگى مەن «قازاقستاندىق اتوم ەلەكتر ستانتسيالارى» جشس ماماندارى ەلدىڭ ەلەكتر ەنەرگياسىنا سۇرانىسىن, گەولوگيالىق ەرەكشەلىكتەر مەن ينفراقۇرىلىم مۇمكىندىكتەرىن ەسكەرە وتىرىپ تالداۋ جۇرگىزدى. بۇل زەرتتەۋلەر اتوم سالاسىن دامىتۋ جونىندەگى ۆەدومستۆوارالىق كوميسسيادا قارالىپ, ونىڭ قورىتىندىسى بويىنشا الماتى وبلىسىنىڭ جامبىل اۋدانى ەكىنشى اەس سالۋ ءۇشىن وڭتايلى ايماق رەتىندە ۇسىنىلعان.
تىڭداۋدا ستانتسيا قۇرىلاتىن اۋماقتى تاڭداۋدىڭ عىلىمي-تاجىريبەلىك نەگىزدەرى, رەاكتوردىڭ تەحنيكالىق سيپاتتامالارى, قاۋىپسىزدىك شارالارى جانە جوبا ىسكە اسقاندا كۇتىلەتىن الەۋمەتتىك-ەكونوميكالىق ناتيجەلەر جونىندە جان-جاقتى اقپارات بەرىلدى.
«قازاقستاندا 3+ بۋىن رەاكتورلارى پايدالانىلاتىن بولادى, وندا قاۋىپسىزدىك كوپ دەڭگەيلى رەزەرۆتەۋ, ءپاسسيۆتى جانە بەلسەندى قورعاۋ جۇيەلەرىن بىرىكتىرۋ قاعيداتى بويىنشا ىسكە اسىرىلادى. قازىرگى زامانعى رەاكتورلاردى الەمدىك قوعامداستىق ەكولوگيالىق جانە قاۋىپسىز دەپ تانىدى», دەدى قر اتوم ەنەرگياسى جونىندەگى اگەنتتىگى يادرولىق ەنەرگەتيكا دەپارتامەنتىنىڭ ديرەكتورى گۇلميرا مۇرسالوۆا.
جوبانىڭ ءوڭىر ەكونوميكاسىنا قوساتىن ۇلەسى دە ءسوز بولدى.
«ەكىنشى اەس قۇرىلىسى جەرگىلىكتى ءوندىرىستى ەلەۋلى دامىتۋدى قامتاماسىز ەتىپ, وڭىردەگى شاعىن جانە ورتا بيزنەستىڭ دامۋى ءۇشىن جاعداي جاسايدى. دۇنيەجۇزىلىك تاجىريبە كورسەتكەندەي, اەس-تەگى ءبىر جۇمىس ورنى ەكونوميكانىڭ ارالاس سالالارىندا 10 جاڭا جۇمىس ورنىن قۇرۋعا ىقپال ەتەدى», دەپ اتاپ ءوتتى قر اتوم ەنەرگياسى جونىندەگى اگەنتتىگىنىڭ قازاقستاندىق قامتۋ دەپارتامەنتىنىڭ ديرەكتورى دانيار جانسەيتوۆ.
كوپشىلىك تىڭداۋعا قاتىسقان اۋىل تۇرعىندارى اەس قۇرىلىسىنا قولداۋ ءبىلدىرىپ, جوبانىڭ ءوڭىر ينفراقۇرىلىمىن جاقسارتۋعا, جۇمىس ورىندارىن كوبەيتۋگە جانە ەلدەگى ەنەرگيا تاپشىلىعىن ازايتۋعا ىقپال ەتەتىنىن جەتكىزدى.
ء«بىز ەكىنشى اەس قۇرىلىسىن قولدايمىز, ويتكەنى ول تۇرعىندارىمىزعا جاڭا مۇمكىندىكتەر اشىپ, جۇمىس ورىندارىن قۇرىپ, ەنەرگيامەن قامتاماسىز ەتۋ ماسەلەلەرىن شەشۋگە كومەكتەسەدى.
جوبا ينفراقۇرىلىمدى دامىتۋعا ۇلەس قوسىپ, بولاشاق ۇرپاققا تۇراقتىلىقتى قامتاماسىز ەتەدى», دەپ اتاپ ءوتتى جامبىل اۋداندىق قوعامدىق كەڭەس توراعاسى باعدات اليەۆ.
ەسكە سالا كەتەيىك, قازاقستانداعى العاشقى اتوم ەلەكتر ستانتسياسىنا «بالقاش» دەگەن اتاۋ بەرىلدى.
