سۋرەتتى تۇسىرگەن – ەرلان ومار, «ەQ»
سول تۇرعىدا مەملەكەتتىك گرانتتار – جاس كاسىپكەرلەرگە قارجىلاي قولداۋ كورسەتۋدىڭ ءتيىمدى تەتىگى. ءتۇرلى باعدارلامالار, جۇيەلى تۇردە بەرىلىپ وتىراتىن قايتارىمسىز نەسيەلەر جاستاردىڭ بيزنەس باستامالارىن جۇزەگە اسىرۋعا مۇمكىندىك تۋدىرىپ, ەلدەگى كاسىپكەرلىك مادەنيەتتى نىعايتۋعا جول اشادى. تالاپتى جاستار گرانتتار ارقىلى كاسىبىنىڭ ءورىسىن كەڭەيتەدى, ستارتاپ, IT, ەكولوگيا, الەۋمەتتىك كاسىپكەرلىك سياقتى جاڭا باعىتتاردا جۇمىس جۇرگىزۋگە تالپىنادى.
قارجىلاي كومەك الۋ ماقساتىندا بيزنەس-جوسپار قۇرىپ, جوسپارلاۋ, ەسەپ جۇرگىزۋ, نارىقتى زەرتتەۋ سەكىلدى داعدىلاردى مەڭگەرەدى. اۋىلدىق جەرلەردەگى جاستارعا دا مال شارۋاشىلىعى, قولونەر, اۋىل ءتۋريزمى سىندى سالالاردا كاسىبىن اشۋعا مۇمكىندىك تۋادى. كاسىپكەر جاستار ەل ەكونوميكاسىنا ۇلەس قوسادى, جاڭا ءونىم مەن قىزمەت تۇرلەرىن شىعارادى. ءبىر سوزبەن, مەملەكەتتىك گرانتتار – جاستاردىڭ ارماندارىن ناقتى ىسكە اينالدىراتىن قۇرال. ول ارقىلى بەلسەندى, كاسىپقور, تابىستى جاس بۋىن قالىپتاسادى. بۇل – ەلىمىزدىڭ بولاشاعىنا سالىنعان ينۆەستيتسيا. بۇگىندە مەملەكەتتىك قارجىلاي قولداۋ ارقىلى كاسىبىن كەڭەيتىپ, شارۋاسىن شالقىتىپ وتىرعان جاس كاسىپكەرلەر كوپ.
