ەگىننەن مول ءونىم الدى

ورتاشا ونىمدىلىك 16,3 تس/گا بولىپ, وبلىستا 7,6 ملن توننادان اس­تام استىق باستىرىلدى. جينالعان استىق­تىڭ 70%-دان استامى ءۇشىنشى سانات تالاپتارىنا ساي كەلەدى, بۇل ءوڭىر­دىڭ ءداستۇرلى, جاڭا ەكسپورتتىق باعىت­تارداعى پوزيتسياسىن كۇشەيتەدى.

سەلەكتسيالىق «اقمولا-2», «استانا-2», «اينا» تۇقىمدارى قولدانىلعان شارۋاشىلىقتاردا ورتاشا ونىمدىلىك گەكتارىنا 30 تسەنتنەردەن استى, «ماكسيموۆسكوە» جشس-دا 41,2 تس/گا-عا جەتتى. جوعارى كورسەتكىشتەرگە مينەرالدى تىڭايتقىشتاردى, ەليتالىق تۇقىمداردى, وسىمدىكتى قورعاۋ قۇرالدارىن كەڭىنەن قولدانۋ ەسەبىنەن قول جەتكىزىلدى.

اقمولا وبلىسى ەگىس القاپتارىن ءارتاراپتاندىرۋ جونىنەن دە كوشباسشىلار قاتارىندا. بيىل مايلى داقىلدار القابى العاش رەت 500 مىڭ گەكتارعا جەتتى, بۇل وتكەن جىلمەن سالىستىرعاندا 2,5 ەسە كوپ. بۇدان بولەك, جىل باسىنان بەرى وبلىستا 1 ترلن تەڭگەنىڭ اۋىل شارۋاشىلىعى ءونىمى ءوندىرىلدى. جىل قورىتىندىسىندا ءوندىرىس كولەمى 1,2 ترلن تەڭگە دەڭگەيىندە بولادى دەپ كۇتىلىپ وتىر.

وڭىردە اۋىل شارۋاشىلىعى ونىمدەرىنىڭ تەرەڭ وڭدەۋ ۇلەسىن ارتتىرۋ ماقساتىندا حالىقارا­لىق كومپانيالاردىڭ قاتىسۋمەن بىرقاتار ءىرى جوبالار جۇزەگە اسىرىلىپ جاتىر. سولاردىڭ ءبىرى – الەمدىك «Dalian Hesheng Holdings» حولدينگى تاراپىنان جۇزەگە اسىرىلاتىن استىقتى تەرەڭ وڭدەۋ زاۋىتىنىڭ قۇرىلىسى. شەتەلدىك ينۆەستيتسيالار كولەمى 1,8 ملرد دوللار, وڭدەۋ قۋاتى جىلىنا 3 ملن تونناعا دەيىن جەتەدى. جوبانى 2028 جىلى ىسكە قوسۋ جوسپارلانىپ وتىر. بيىلعى قازان ايىندا شورتاندى اۋدانىندا «Hopefull Grain» كومپانياسىنىڭ تاعى ءبىر استىقتى تەرەڭ وڭدەۋ كەشەنىن سالۋ جونىندە ستراتەگيالىق كەلىسىمگە قول قويىلدى. ينۆەستيتسيا كولەمى – 1,5 ملرد دوللار. ەسىل اۋدانىندا بيداي وڭدەۋ, جەم ءوندىرۋ زاۋىتتارىن, سونداي-اق ەلەۆاتور مەن قۇراما جەم زاۋىتىن سالۋ جوسپارلانىپ وتىر.