بايقاۋعا مەديتسينا, اۋىل شارۋاشىلىعى, ونەركəسىپ, مəدەنيەت, جۋرناليستيكا, قۇرىلىس, تاۋ-كەن ءوندىرىسى ءتارىزدى ماڭىزدى سالالاردا ەڭبەك ەتىپ جۇرگەن ارۋلار قاتىسقان. جەڭىمپازداردى وبلىس əكىمى قۇمار اقساقالوۆ قۇتتىقتاپ, ايەلدەر قاۋىمىنىڭ ءوڭىر دامۋىنا ۇلكەن ۇلەس قوسىپ كەلە جاتقانىن تىلگە تيەك ەتتى.
– وبلىستا كوپ جىلدان بەرى əيەلدەر كəسىپكەرلىگىن قولداۋعا باعىتتالعان باعدارلامالار مەن اكسەلەراتورلار, ءتۇرلى جوبالار ىسكە اسىرىلىپ كەلە جاتىر. سونداي-اق «جىلدىڭ ۇزدىك əيەلدەرى», «ۇزدىك əلەۋمەتتىك جوبا» سەكىلدى بايقاۋلار ايەلدەردىڭ əلەۋەتىن اشۋعا ۇلكەن مۇمكىندىك بەرىپ وتىر. قوستاناي وبلىسىندا «ىسكەر ايەلدەر قاۋىمداستىعىنىڭ» جۇزگە جۋىق بەلسەندى مۇشەسى بولسا, سولاردىڭ قاتارىندا تəجىريبەلى ماماندار, كəسىپورىن باسشىلارى, قوعام قايراتكەرلەرى بار, – دەدى ءوڭىر باسشىسى.
بايقاۋ جەڭىمپازى ايگۇل يلمەنسكايا 12 جىلدان بەرى «سارىارقااۆتوپروم» زاۋىتىندا دəنەكەرلەۋشى بولىپ جۇمىس ىستەيدى.
– كولىكتى باستان-اياق قۇراستىرىپ شىعۋ – ۇلكەن شارۋا, ۇلكەن ۇجىمنىڭ ۇيىمداسقان ەڭبەگىنىڭ جەمىسى. جول ۇستىندە كەشە عانا وندىرىستىك جەلىدە ءوزىڭنىڭ قولىڭنان وتكەن, شاناعىن ءوزىڭ دانەكەرلەپ شىققان كولىكتى كورگەندە, ەرەكشە ماقتانىش سەزىمى كەۋدەڭدى كەرنەيتىنى راس. ەڭ باستىسى, كاسىبىم وزىمە ۇنايدى. جۇمىسقا دا, ءۇي شارۋاسىنا دا ۇلگەرىپ جاتىرمىز. بۇگىندە جولداسىم ەكەۋمىز ءۇش بالانى تاربيەلەپ وتىرمىز, – دەيدى ايگۇل.
كوماروۆ كەنىشىنىڭ وكىلى Əسەل تۇياقوۆا تاۋ جىنىسىن تاسىمالداۋعا ارنالعان الىپ تەحنيكا «بەلاز» جۇك كولىگىن جۇرگىزەدى.
– مەنىڭ كىم بولىپ جۇمىس ىستەيتىنىمدى بىلگەندە كوپ ادام تاڭعالادى. الايدا بۇل ماماندىقتى كەزدەيسوق تاڭداعان جوقپىن. جولداسىم دا, قايىن اتام دا كەنىشتە ەڭبەك ەتەدى. Əرينە, ەكى قاباتتى ءۇيدىڭ بيىكتىگىندەي الىپ كولىكتى باسقارۋعا ۇلكەن جاۋاپكەرشىلىك كەرەك. تۇزدە تاۋ قوپارعان باتىر بولساق, ۇيدە ۇساق-تۇيەك شارۋاسى تاۋسىلمايتىن ايەلمىز. ءۇش ۇل ءوسىرىپ وتىرمىز. جۇمىستان بوس ۋاقىتتا سولارعا ءدامدى اس, ءتاتتى تاعام ءپىسىرىپ بەرىپ, سونى سۇيسىنە جەپ وتىرعاندارىنا قاراپ, جانىم جادىراپ قالادى. وندايدا وتاعاسى انالارىڭنىڭ كولىگى تاۋداي, تاماعى بالداي دەپ ازىلدەيدى. ايەل ادامعا وت باسى – وشاق قاسىنداعى جىلۋدان ارتىق ەشتەڭە جوق, – دەيدى Əسەل.
فورۋم اياسىندا كəسىپتىك دامۋ, əيەل بەلسەندىلىگى, əيەل دەنساۋلىعى ءتارىزدى وزەكتى مəسەلەلەر تالقىلاندى. ساراپشىلار مەن ماماندار فورۋمعا قاتىسۋشىلارعا قازىرگى زامان əيەلىنىڭ كəسىبي كەلبەتىن قالىپتاستىرۋ, كوپشىلىك الدىندا سويلەۋ مəدەنيەتى, سويلەۋ تەحنيكاسى, جۇمىس بارىسىندا كەزدەسەتىن فيزيكالىق فاكتورلاردىڭ əسەرى جايىندا كەڭەس بەردى.
قوستاناي وبلىسى
