ۆەدومستۆو ۋكراينا تاراپىنان جاسالعان ارەكەتتىڭ ەشقايسىسى قازاقستانعا نەمەسە باسقا ءۇشىنشى مەملەكەتتەرگە قارسى باعىتتالماعانىن اتاپ ءوتتى.
«ۋكراينا كاسپي قۇبىر كونسورتسيۋمىنىڭ ينفراقۇرىلىمىنا قاتىستى قازاقستان رەسپۋبليكاسىنىڭ الاڭداۋشىلىعىن نازارعا الدى. ۋكراين تاراپىنان جاسالىپ جاتقان ەشقانداي ارەكەت قازاقستانعا نەمەسە وزگە ءۇشىنشى تاراپتارعا باعىتتالماعانىن اتاپ وتەمىز. ۋكراينا بارلىق كۇش-جىگەرىن بۇۇ جارعىسىنىڭ 51-بابىندا بەكىتىلگەن ءوزىن-ءوزى قورعاۋ قۇقىعىن ىسكە اسىرۋ اياسىندا رەسەيدىڭ كەڭ اۋقىمدى اگرەسسياسىنا تويتارىس بەرۋگە جۇمىلدىرىپ وتىر», دەلىنگەن ۋكراينا ءسىم حابارلاماسىندا.
مينيسترلىك بىرنەشە رەت قارا تەڭىز ايماعىنداعى تۇراقسىزدىقتىڭ نەگىزگى سەبەبى رەسەي اگرەسسياسى ەكەنىن باسا اتاپ ءوتتى.
«قازاق حالقىنا دەگەن وزگەرمەس قۇرمەتىمىزدى جانە قازاقستان رەسپۋبليكاسىمەن تاريحي جاعىنان قالىپتاسقان دوستىق ءارى پراگماتيكالىق قارىم-قاتىناستى ودان ءارى دامىتۋعا نيەتتى ەكەنىمىزدى راستايمىز», دەلىنگەن مالىمدەمەدە.
ەسكە سالايىق, بۇعان دەيىن سىرتقى ىستەر مينيسترلىگىنىڭ رەسمي وكىلى ايبەك سمادياروۆ كاسپي قۇبىر كونسورتسيۋمىنا جاسالعان شابۋىلعا قاتىستى مالىمدەمە جاساعان بولاتىن.
