پورتفەلدىڭ نەگىزىنە توقتالايىن. قارجى الەمىن تەرەڭ زەرتتەمەي-اق ۇزاق مەرزىمگە جوسپار قۇرۋعا بولادى. ويتكەنى پورتفەلگە كەز كەلگەن اكتيۆ ەمەس, ونداعان جىل بويى سىنالعان قۇرالدار كىرەدى. ىشىندە الەم ەلدەرىنىڭ اكتسيالارى, دامىعان جانە دامۋشى ەلدەردىڭ وبليگاتسيالارى, التىن بار. بۇلاردىڭ بارلىعى ءتۇرلى داعدارىستان وتكەن.
پورتفەلدىڭ قۇرىلىمى بەلگىلى ءبىر تەپە-تەڭدىككە سۇيەنەدى. ادەتتە پورتفەلدىڭ 20 پايىزىنان 60 پايىزىنا دەيىن وبليگاتسيا مەن التىن ورنالاسادى. بۇل بولىك پورتفەلگە تىنىشتىق بەرەدى. ال قالعان 40 پايىزدان 80 پايىزعا دەيىن الەمدىك اكتسيالار تۇرادى. بۇل كاپيتالدىڭ ءوسىمىن قامتاماسىز ەتەدى. وسىلاي تابىس پەن تۇراقتىلىق ءبىر پورتفەلدىڭ ىشىندە قاتار جۇرەدى.
پورتفەلگە كىرەتىن اكتسيالار دا جاي تاڭدالمايدى. ارنايى مودەل ارقىلى ىرىكتەلەدى. كومپانيانىڭ پايداسى قانداي, كاپيتالدى قالاي پايدالانىپ وتىر, قارىزى قانشا, وسىنىڭ ءبارى تەكسەرىلەدى. وسى سۇزگىدەن وتكەن كومپانيالار عانا پورتفەلگە كىرەدى. بۇل فاكتورلىق ينۆەستيتسيا دەپ اتالادى. ەندى پورتفەل تاۋەكەلى قالاي باقىلاناتىنىن تۇسىندىرەيىك. ءبىز تاۋەكەلدى كۇندەلىكتى جاڭالىقپەن ەمەس, پورتفەلدىڭ ىشكى قۇرىلىمىمەن باسقارامىز. اكتيۆتەردىڭ ءتىزىمى وزگەرمەيدى. بىراق ۋاقىت وتە ولاردىڭ ۇلەسى رەتتەلەدى. نارىق قۇبىلمالىعى ارتقاندا سالماق قايتا ەسەپتەلەدى.
كەيدە ەكى ادامنىڭ ماقساتى ءبىر بولسا دا, پورتفەلدەرى نەگە مۇلدە ۇقسامايدى دەپ سۇرايدى. سەبەبى ءار ادامنىڭ جاعدايى بولەك. بىرەۋ 10 جىلدا ەرتە زەينەتكە شىعۋدى قالايدى. بىراق بىرەۋ 20 جىل بويى جيناعان كاپيتالىمەن كەلەدى. ەكىنشىسى ەندى عانا جيناي باستايدى. تاعى ءبىرى تاۋەكەلگە دايىن, كەرىسىنشە وتە ساق ادامدار بار. بىرەۋ تابىسىن تەڭگەمەن السا, ەندى ءبىرى شەتەل ۆاليۋتاسىمەن جۇمىس ىستەيدى. اقشانى الاتىن مەرزىمى دە باسقا. وسى ايىرماشىلىقتىڭ ءبارى پورتفەل قۇرىلىمىنا اسەر ەتەدى.
مەن قولدانىپ جۇرگەن ءتاسىل نارىقتى بولجاۋعا سۇيەنبەيدى. بۇل عىلىمي نەگىزدەلگەن جۇيە. ينستيتۋتسيونالدى ينۆەستورلار مۇنى ونداعان جىل بويى قولدانىپ كەلەدى. قۇرىلىم دۇرىس جاسالعاننان كەيىن پورتفەل تۇراقتى تابىس بەرەدى. ۇزاق مەرزىمدە ءوزىن تولىق اقتايدى. ستراتەگياعا سۇيەنەدى. كوميسسيا مەن سالىقتى دا ءتيىمدى ەتەدى. ەگەر ادام ءوز ماقساتىنا قاراي جۇيەلى تۇردە ينۆەستيتسيا جاساعىسى كەلسە, وسىنداي پورتفەلدەر وعان ۇزاق جىل تىرەك بولا الادى.
دايىنداعان –
ەلىگىماي توڭكەر,
«Egemen Qazaqstan»
