فوتو: اشىق دەرەككوز
جاس مۇعالىم سوڭعى بىرنەشە جىلدا باسشىلىق تاراپىنان قىسىمعا ۇشىراپ كەلە جاتقانىن اشىپ ايتتى.
«جۇمىس ورنىندا باسشى تاراپىنان پسيحولوگيالىق قىسىم مەن ادىلەتسىزدىككە تاپ بولىپ كەلەمىن. وسى جاعدايعا بايلانىستى دەنساۋلىعىما زيان كەلىپ, ەم قابىلداۋعا ءماجبۇر بولدىم. مەن ءتۇرلى ءبىلىم سالاسىنا قاراستى مەكەمەلەرگە, قۇزىرلى ورگاندارعا بىرنەشە رەت جۇگىندىم. سوتقا دەيىن بارىپ, ءوز قۇقىعىمدى قورعاپ, جەڭىپ شىقتىم. ۇستازداردان اقشا جيناۋ, جۇمىس ورنىندا پسيحولوگيالىق تۇراقسىز ورتا قالىپتاستىرۋ, وزىنە جۇكتەلگەن ساباقتاردى بەرمەۋ جانە ۇكىمەتتەن ايلىق ەسەبىندە اقشا الىپ وتىرعانى, ونى كەرى قايتارماۋى ت.ب وسى سەكىلدى ماسەلەلەر دە تەكسەرىس بارىسىندا راستالدى. الايدا تەكسەرىستەن كەيىن دە ماعان جاسالاتىن قىسىمدار توقتامادى», دەيدى ايجان ءادىلوۆا.
ونىڭ ايتۋىنشا, ونىڭ ءىس-ارەكەتى ادەپ كەڭەسىندە قارالعان.
ء«وزىمدى قورعاۋ ماقساتىندا جاسالعان ەسكەرتۋ سيپاتىنداعى جازبالارىم «ادەپسىزدىك» رەتىندە باعالانىپ, سونىڭ نەگىزىندە «سوگىس» تارتىپتىك جازاسى قولدانىلدى», دەيدى ول.
مۇعالىم ءار جازباسىندا ادىلدىكتى تالاپ ەتەتىنىن جانە ءوزىنىڭ بەدەلىن قايتا قالپىنا كەلتىرگىسى كەلەتىنىن جازادى.
«مەن جالعىز ەمەسپىن. وزگە دە مۇعالىمدەرگە قىسىم جاسالدى, جاسالىپ تا كەلەدى.
مەن ءوز ار-نامىسىمدى, پەداگوگ رەتىندەگى بەدەلىمدى جانە زاڭدى قۇقىعىمدى قورعاۋدى جالعاستىرامىن. توقتامايمىن. ۇستازعا قۇرمەت - قوعامعا قۇرمەت», دەپ جازدى مۇعالىم.
ادىلدىك بار جەردە جەمقورلىققا ورىن جوق
اتالعان جايتقا بايلانىستى اقتوبە قالالىق ءبىلىم ءبولىمى مۇعالىمنىڭ الەۋمەتتىك جەلىدەگى جازبالارىنا جاۋاپ بەردى.
«اتالعان ماسەلە اقتوبە قالاسىنىڭ ءبىلىم ءبولىمىنىڭ باقىلاۋىندا. قازىرگى تاڭدا ماسەلەنىڭ ءمان-جايىن انىقتاۋ ماقساتىندا زەردەلەۋ جۇمىستارى جۇرگىزىلۋدە. قورىتىندىسى بويىنشا ءتيىستى اقپارات قوسىمشا حابارلاناتىن بولادى», دەلىنگەن جازبادا.
ايتا كەتەيىك, «ادىلەتتى جانە پروگرەسسيۆتى قازاقستاننىڭ حالىقتىق كونستيتۋتسياسى ءۇشىن» جالپىۇلتتىق كواليتسياسىنىڭ العاشقى جيىنىندا رەسپۋبليكالىق ادۆوكاتتار القاسىنىڭ توراعاسى مادي مىرزاعاراەۆ جاڭا كونستيتۋتسياداعى «زاڭ مەن ءتارتىپ» قاعيداسىنىڭ ءمانىن جانە ادۆوكاتتىق ينستيتۋتتىڭ قوعامداعى ورنىن تۋرالى ايتتى.
