فوتو: اشىق دەرەككوز
تجم مالىمەتىنشە, سانيتارلىق رەيس «ۇلتتىق شۇعىل مەديتسينانى ۇيلەستىرۋ ورتالىعى» رمقك-نىڭ ۇيلەستىرۋىمەن ۇيىمداستىرىلدى.
«گيپەرباريالىق ورتالىق شىمكەنتتە ورنالاسقاندىقتان, ال جەتىساي اۋدانىندا شۇعىل مەديتسينالىق كومەك كورسەتۋگە قاجەتتى ارنايى جابدىقتار جەتكىلىكسىز بولعاندىقتان, ناۋقاستى تاسىمالداۋ قاجەت بولدى», دەلىنگەن حابارلامادا.
ەستەرىڭىزگە سالا كەتەيىك, كەشە تۇركىستان وبلىسى جەتىساي اۋدانىنىڭ العاباس اۋىلىندا ەكى قاباتتى جەكە تۇرعىن ءۇي ورتەنىپ, 12 ادام مەرت بولدى. ونىڭ 9-ى بالا. قىزىل جالىن 360 شارشى مەتردى شارپىعان.
مەملەكەت باسشىسى جەكە ۇيدە بولعان ءورتتىڭ سالدارىنان قازا تاپقانداردىڭ تۋىستارىنا كوڭىل ايتتى.
سونىمەن قاتار پرەزيدەنتتىڭ تاپسىرماسى بويىنشا تۇركىستان وبلىسى جەتىساي اۋدانى العاباس اۋىلىنداعى جەكە ۇيدە بولعان ءورتتىڭ سەبەپتەرىن تەرگەۋ جونىندەگى ۇكىمەتتىك كوميسسيا قۇرىلدى.
جەكە تۇرعىن ۇيدەگى ءورتتىڭ سالدارىنان ەكى ەرەسەك جانە ءبىر بالا اۋرۋحاناعا جەتكىزىلگەن. قازىر بارلىعى جانساقتاۋ بولىمىندە جاتىر.
قازا بولعان بالالاردىڭ ەڭ كىشىسى – 2024 جىلى تۋعان, قالعاندارى – 2009, 2010, 2012, 2015, 2017, 2019 جانە 2021 جىلدارى دۇنيەگە كەلگەن. بالالاردىڭ بەسەۋى ءبىر وتباسىنان شىققان – ءۇش قىز جانە ەكى ۇل. باسقا وتباسىنان 2018 جىلى تۋعان قىز بالا امان قالدى. وقيعا ورنىنان سۋرەتتەر جاريالاندى.
ۆيتسە-پرەمەر قانات بوزىمباەۆ ءورتتىڭ سەبەپتەرىن تەرگەپ-تەكسەرۋ بويىنشا قۇرىلعان ۇكىمەتتىك كوميسسيا مۇشەلەرىنە بىرقاتار تاپسىرما بەردى.
بۇعان دەيىن دال وسى 12 ادامنىڭ ءومىرىن قيعان ورتتەن زارداپ شەككەن 1986 جىلعى ەر ادام شىمكەنت قالاسىنداعى گيپەرباريالىق وكسيگەناتسيا ورتالىعىنا جەتكىزىلگەن ەدى.
