كۋرستىڭ ماقساتى – قازاقستاندىقتارعا جاساندى ينتەللەكتىنىڭ مۇمكىندىكتەرىن جەكە برەندىن, بيزنەسىن جانە شىعارماشىلىق جوبالارىن دامىتۋ ءۇشىن ءتيىمدى پايدالانۋدى ۇيرەتۋ.
Astana Hub تسيفرلىق ءبىلىم بەرۋدى جانە جي-قۇزىرەتتەردى دامىتۋ باعىتتارىن بەلسەندى تۇردە ىلگەرىلەتىپ كەلەدى. بۇعان دەيىن ىسكە قوسىلعان «جي نەگىزدەرى: ChatGPT», «دەرەكتەردى تالداۋ جانە Python نەگىزدەرى», «پرومپت-ينجينيرينگ نەگىزدەرى» جانە QazCoders سىندى سەرىكتەستىك ونلاين-كۋرستار ون مىڭداعان قازاقستاندىقتارعا زاماناۋي تسيفرلىق ماماندىقتار مەن قۇرالداردى مەڭگەرۋگە مۇمكىندىك بەرگەن بولاتىن.
جاڭا وقۋ باعدارلاماسى ءتورت اپتا بويى ونلاين فورماتتا وتەدى جانە 20 بەينەساباقتان تۇرادى. ساباقتاردا ناقتى كەيستەر تالدانىپ, قوسىمشا ماتەريالدار ۇسىنىلادى.
فورمات قاتىسۋشىلارعا وزىنە ىڭعايلى ۋاقىتتا وقۋعا جانە جۇمىسپەن نەمەسە وقۋىمەن قاتار ۇيلەستىرۋگە مۇمكىندىك بەرەدى. كۋرس باستاپقى دەڭگەيدەگى ماماندارعا, ديزاينەرلەرگە, ماركەتولوگتارعا جانە كاسىپكەرلەرگە ارنالعان.
– بۇل Astana Hub-تا جۇزەگە اسىرىلىپ جاتقان سەرىكتەستىك جوبالاردىڭ العاشقىسى ەمەس. ءبىز زاماناۋي تسيفرلىق ماماندىقتارعا دەگەن قىزىعۋشىلىقتىڭ قانشالىقتى جوعارى ەكەنىن كورىپ وتىرمىز جانە قاتىسۋشىلارعا تەك ءبىلىم عانا ەمەس, جۇمىستا بىردەن قولدانۋعا بولاتىن ناقتى قۇرالداردى ۇسىنۋعا تىرىسامىز. جي-دى پايدالانۋ ارقىلى برەند-ديزاين بويىنشا كۋرس قازاقستاندىقتاردىڭ تەحنولوگيالىق داعدىلارىن دامىتۋداعى ميسسيامىزدىڭ جالعاسى, – دەدى Astana Hub ءبىلىم بەرۋ باعدارلامالارى كەڭسەسىنىڭ ديرەكتورى اليونا سلاۆكينا.
جاڭا كۋرس تەحنولوگيالاردىڭ كرەاتيۆ يندۋسترياسىن قالاي وزگەرتەتىنىن تۇسىنۋگە, سونىمەن قاتار برەند جاساۋدىڭ پراكتيكالىق قۇرالدارىن مەڭگەرۋگە مۇمكىندىك بەرەدى. قاتىسۋشىلار برەند ستراتەگياسىن ازىرلەۋدى, ۆيزۋالدى جۇيە قۇرۋدى, تۇستەر مەن قارىپتەردى تاڭداۋدى, لوگوتيپ جاساۋدى, سونداي-اق Midjourney, ChatGPT جانە Canva AI سياقتى نەيروجەلىلەردى يدەيالار, ۆيزۋالدار مەن موكاپتار گەنەراتسيالاۋ ءۇشىن پايدالانۋدى ۇيرەنەدى.
كۋرس مەنتورى تسيفرلىق يندۋستريالار اكادەمياسىنىڭ تالىمگەرى, GForce Grey اگەنتتىگىنىڭ ارت-ديرەكتورى جانە Creative Group Head مامانى دايانا مولداگۋلوۆا.
– نەيروجەلىلەردى پايدالانا وتىرىپ, برەند قالىپتاستىرۋ» كۋرسى قازاقستاندا جاڭا بۋىن كرەاتيۆ ماماندارىن قالىپتاستىرۋ جولىنداعى ماڭىزدى قادام. كۋرس قاتىسۋشىلارعا برەند-ديزاينەر ماماندىعىنىڭ ءمانىن تەرەڭ تۇسىنۋگە كومەكتەسەدى: ستراتەگيا مەن ۆيزۋالدى جۇيەنى جاساۋدان باستاپ, جاساندى ينتەللەكت قۇرالدارىن دۇرىس قولدانۋعا دەيىن. ارنايى مودۋل قازىرگى كرەاتيۆ يندۋستريانى وزگەرتەتىن جي-قۇرالدارعا ارنالعان, – دەپ اتاپ ءوتتى دايانا مولداگۋلوۆا.
كۋرستى اياقتاعان قاتىسۋشىلار سەرتيفيكات الىپ, جي كومەگىمەن ازىرلەنگەن ميني-برەندبۋكپەن ءوز پورتفوليوسىن تولىقتىرا الادى. جوبا قاتىسۋشىلاردى تەحنولوگيانى ءوزىن-ءوزى دامىتۋعا, بيزنەسىن ىلگەرىلەتۋگە جانە جىلدام وزگەرىپ جاتقان تسيفرلىق الەمدە ءوز ورنىن نىعايتۋعا شابىتتاندىرۋعا باعىتتالعان.
