فوتو: تۋريزم جانە سپورت مينيسترلىگى
تاراپتار قازاقستانداعى كونكيمەن جۇگىرۋ سپورتىنىڭ, اسىرەسە شورت-ترەكتىڭ دامۋى, ISU-پەن ىنتىماقتاستىقتى نىعايتۋ جولدارىن جانە 2026 جىلعى ميلان قىسقى وليمپياداسىنا دايىندىق ماسەلەلەرىن تالقىلادى.
مينيستر ەربول مىرزابوسىنوۆ ەلىمىزدە شورت-ترەكتىڭ جۇيەلى دامىپ كەلە جاتقانىن اتاپ ءوتتى. بيىل قازاقستان قۇراماسى قىسقى ازيا ويىندارىندا تاريحي التىن مەدال جەڭىپ العان بولاتىن. سونداي-اق, بيىلعى ماۋسىمدا قازاقستان جاسوسپىرىمدەر اراسىنداعى الەم كۋبوگىنىڭ ەكى كەزەڭىن وتكىزۋ مارتەبەسىنە يە بولدى. بۇل ەلىمىزدىڭ حالىقارالىق ارەناداعى بەدەلىن جانە جوعارى ۇيىمداستىرۋشىلىق قابىلەتىن دالەلدەدى.
حابارلانعانداي, 2027 جىلى قازاقستان جاسوسپىرىمدەر اراسىنداعى شورت-ترەكتەن الەم چەمپيوناتىن وتكىزۋ مارتەبەسىن الدى, بۇل ۇلتتىق كونكي سپورتى تاريحىندا ەڭ ءىرى وقيعا بولماق.
ISU ديرەكتورى حۋگو حەررنحوف «الاۋ» مۇز سارايىنىڭ جاعدايىن, جارىستاردىڭ ۇيىمداستىرىلۋىن جانە سپورتشىلاردىڭ الەۋەتىن جوعارى باعالاپ, ISU باعدارلامالارى اياسىندا ىنتىماقتاستىقتى ودان ءارى دامىتۋعا دايىن ەكەنىن مالىمدەدى.
