ونىڭ ىشىندە وزبەكستاننان كەلەتىن تۋريستەر سانى دا ايتارلىقتاي ارتقان. ەگەر 2024 جىلى 12,5 مىڭ وزبەكستاندىق ازامات كەلسە, بيىلعى 9 ايدا ولاردىڭ سانى 26 مىڭنان استى.
ءوڭىردىڭ باستى نىساندارىنىڭ ءبىرى – يۋنەسكو-نىڭ بۇكىلالەمدىك مۇرالار تىزىمىنە ەنگىزىلگەن قوجا احمەت ياساۋي كەسەنەسى. سونىمەن قاتار وبلىس اۋماعىندا 1 780-نەن استام تاريح جانە مادەنيەت ەسكەرتكىشى, 4 ەرەكشە قورعالاتىن تابيعي اۋماق ورنالاسقان. تۇركىستان قالاسىندا جىلىنا 3 ميلليوننان استام جولاۋشىعا قىزمەت كورسەتەتىن حالىقارالىق اۋەجاي جۇمىس ىستەيدى. وبلىس اكىمدىگى تۇركىستان مەن وزبەكستاننىڭ قالالارى اراسىندا جاڭا تىكەلەي اۋە رەيستەرىن اشۋدى قولداۋعا دايىن. سونىڭ ىشىندە تۇركىستان – ۇرگەنىش – تۇركىستان باعىتىن ىسكە قوسۋ مۇمكىندىگىن قاراستىرۋدا. سونداي-اق اۆتوكولىك جانە تەمىرجول قاتىناسىن جاقسارتۋدى, تۋريستىك باعىتتاردى دامىتۋدى جانە تۋريستەردىڭ شەكارادان ىڭعايلى ءوتۋى ءۇشىن «جاسىل دالىزدەر» ۇيىمداستىرۋدى قامتيتىن بىرلەسكەن كولىك-لوگيستيكالىق جوبالاردى دامىتۋعا دا مۇددەلى.
تۇركىستان
