فوتو: ىشكى ىستەر مينيسترلىگى
شاراعا قاتىسۋشىلار ەسكەرتكىشكە ەرلىك پەن باتىلدىقتىڭ سيمۆولى سانالاتىن قىزىل قالامپىر گۇلدەرىن قويدى. عازيز بايتاسوۆتىڭ رۋحىنا ءبىر مينۋت ۇنسىزدىك جاريالانىپ, ودان كەيىن قارۋدان وت شاشۋ اتىلدى.
ء«تارتىپ ساقشىلارى ارقاشان قىلمىسكەرلەردىڭ جولىن بوگەپ, قاۋىپپەن بەتپە-بەت كەزدەسەدى. ون ءتورت جىل بۇرىن عازيز بايتاسوۆ قىلمىسكەردىڭ جولىن ءوز ومىرىمەن بوگەپ, بەيبىت تۇرعىندار ءۇشىن جانىن قيدى. پوليتسيا كاپيتانى عازيز بايتاسوۆتىڭ ەسىمى تاۋەلسىز قازاقستاننىڭ قاھارماندارى قاتارىنا ماڭگى جازىلدى. ول قۇقىق قورعاۋ ورگاندارى قىزمەتكەرلەرى اراسىندا «حالىق قاھارمانى» اتاعىن العان ءبىرىنشى جانە جالعىز ادام. ونىڭ ەرلىگى – باتىلدىقتىڭ, بورىشىنا ادال قىزمەت ەتۋدىڭ جانە ۇلكەن ەرجۇرەكتىلىكتىڭ ۇلگىسى», دەپ اتاپ ءوتتى وبلىستىڭ پد باستىعىنىڭ ءبىرىنشى ورىنباسارى بولات نۇرسەيىتوۆ.
عازيز بايتاسوۆتىڭ ەسىمى ۇرپاق جادىندا ماڭگى ساقتالادى. ونىڭ ەرلىگى الىستان جارقىراعان جۇلدىزداي – ەشقاشان سونبەيدى.
