فوتو: ۆيدەوسكرين
«سويۋز-5» زىمىرانى ساماراداعى «پروگرەسس» زاۋىتىندا قۇراستىرىلىپ, بويالىپ, سىناقتان وتكىزىلگەننەن كەيىن تەمىرجول ارقىلى 1800 شاقىرىمدى ءجۇرىپ ءوتىپ, بايقوڭىرعا جەتكىزىلدى. «روسكوسموس» ءباسپاسوز قىزمەتىنىڭ حابارلاۋىنشا, تاسىمالداۋ كەزىندە قۇرىلعىنىڭ مەحانيكالىق قاۋىپسىزدىگىن قامتاماسىز ەتۋ ءۇشىن ارنايى ۆاگوندارمەن تاسىمالدانعان.
بايقوڭىرعا كەلگەن سوڭ, زىمىران بلوكتارى «بايتەرەك» بىرلەسكەن كاسىپورنىنىڭ مونتاجدىق-سىناق كورپۋسىنا ورنالاستىرىلدى. مۇندا ولار الداعى ۇشىرىلىمعا دايىندىق جۇمىستارىنان وتەدى.
العاشقى سىناقتىق ۇشىرۋ 2025 جىلدىڭ 25 جەلتوقسانىنا جوسپارلانعان.
ەسكە سالايىق, «بايتەرەك» عارىش-زىمىران كەشەنى بۇرىنعى «زەنيت-م» كەشەنىنىڭ ينفراقۇرىلىمى نەگىزىندە سالىنىپ جاتىر. رەسەي جاعى جاڭا «سويۋز-5» زىمىرانىن جاساۋعا, ال قازاقستان جاعى ۇشىرۋ كەشەنىن دايىنداۋعا جاۋاپتى.
«سويۋز-5» زىمىرانىنىڭ ۇشۋ سىناقتارىنىڭ باستالۋى گەوساياسي جاعداي مەن لوگيستيكالىق تىزبەكتەردىڭ ۇزىلۋىنە بايلانىستى 2023 جىلدان 2025 جىلعا اۋىستىرىلعان ەدى.
