فوتو: اشىق دەرەككوز
ۇلتتىق ستاتيستيكا بيۋروسىنىڭ دەرەكتەرىنە سۇيەنسەك, قازان ايىندا جاڭا پاتەرلەردىڭ ورتاشا باعاسى قىركۇيەكپەن سالىستىرعاندا 1%-عا ءوستى. باعانىڭ ايتارلىقتاي قىمباتتاۋى بىرنەشە قالادا عانا بايقالعان.
ەڭ جوعارى ءوسىم كوناەۆ قالاسىندا تىركەلدى – ءبىر ايدا باعا 5%-عا ارتقان. الماتىدا كورسەتكىش – +2,9%, اقتاۋدا – +1,9% دەڭگەيىندە. سونداي-اق, شىمكەنت پەن سەمەيدە دە ازداعان ءوسىم بار – 0,5-0,6%.
ال اتىراۋدا, پاۆلوداردا جانە كوكشەتاۋدا 0.1-0.6%-عا تومەندەگەن. قالعان وڭىرلەردە جاڭا ۇيلەردىڭ قۇنى وزگەرىسسىز قالدى.
قازان ايىنىڭ قورىتىندىسى بويىنشا ەڭ قىمبات جاڭا باسپانا كەلەسى قالالاردا ساتىلىپ جاتىر:
- الماتى – 667 027 تگ/كۆ. م;
- استانا – 650 133تگ/كۆ. م;
- اتىراۋ – 521 361تگ/كۆ. م;
- شىمكەنت – 518 345تگ/كۆ. م;
- سەمەي – 467 745تگ/كۆ. م.
ەڭ ارزان جاڭا ۇيلەر ورالدا – مۇندا ءبىر شارشى مەتردىڭ باعاسى 299 155 تەڭگە, بۇل الماتىداعى كورسەتكىشتەن شامامەن 2,2 ەسە ارزان.
ەل بويىنشا ءبىر شارشى مەتردىڭ ورتاشا باعاسى – 555 161 تەڭگە. بۇل قىركۇيەكتەگى كورسەتكىشتەن شامامەن 5,8 مىڭ تەڭگەگە جوعارى.
جىلدىق ديناميكا دا وڭ باعىتتا: سوڭعى ءبىر جىلدا جاڭا ۇيلەر 13,1%-عا قىمباتتاعان. ەڭ جوعارى ءوسىم پاۆلوداردا (+24,2%), كوناەۆتا (+17,8%) جانە الماتىدا (+16,2%) بايقالعان. سونىمەن قاتار استانادا باعا 13,7%-عا, ال شىمكەنتتە 15,5%-عا ارتقان.
