فوتو: وقۋ-اعارتۋ مينيسترلىگى
سالا مينيسترلىگىنىڭ مالىمەتىنشە, مۇنداعى ماقسات – 9-11سىنىپ وقۋشىلارىنىڭ ەڭبەك نارىعىندا سۇرانىسقا يە جۇمىسشى ماماندىقتارىنا ەرتە بەيىمدەلۋىن قامتاماسىز ەتۋ, ولاردىڭ كاسىبي باعدارىن جۇيەلى تۇردە قالىپتاستىرۋ جانە تەحنيكالىق-كاسىپتىك بىلىمگە قىزىعۋشىلىعىن ارتتىرۋ.
2025-2026 وقۋ جىلىندا وتاندىق مەكتەپتەردە تەحنيكالىق جانە ينجەنەرلىك, اقپاراتتىق-كوممۋنيكاتسيالىق تەحنولوگيالار, اۋىل شارۋاشىلىعى جانە ەكولوگيا, كولىك جانە لوگيستيكا, قىزمەت كورسەتۋ, شىعارماشىلىق, مادەنيەت, مەديتسينا, الەۋمەتتىك قىزمەت كورسەتۋ باعىتتارى بويىنشا بەيىندىك سىنىپتار جۇمىس ىستەي باستادى.
اتالعان سىنىپتاردىڭ مازمۇنى وڭىرلەردىڭ ەكونوميكالىق ەرەكشەلىكتەرى مەن كادر تاپشىلىعى بار سالالارعا سايكەس قالىپتاستىرىلعان. جوباعا جەرگىلىكتى جوعارى وقۋ ورىندارى, كوللەدجدەر مەن جۇمىس بەرۋشىلەر دە بەلسەندى قاتىسىپ جاتىر.
ايتا كەتەلىك, بەيىندىك سىنىپتاردىڭ باعىتىن وقۋ جىلى ىشىندە ەكى رەت وزگەرتۋگە مۇمكىندىك بار.
