استانانىڭ اۋەجايىنان تۇسىرىلگەن ۆيدەونى زاڭگەر ينگا يمانباي الەۋمەتتىك جەلىگە جاريالادى. قۇقىق قورعاۋشىنىڭ ايتۋىنشا, مۇحتاردىڭ جاعدايى تۇراقتى.
«دارىگەرلەر ەمنىڭ اسەرىن كورۋ ءۇشىن كەم دەگەندە 3 اي قاجەت ەكەنىن ايتتى. سول ۋاقىتتان كەيىن ەربايان قايتادان ستامبۋلعا بارىپ, قالپىنا كەلتىرۋ شارالارىن جالعاستىرادى», دەلىنگەن ۆيدەودا.
زاڭگەر ەربايان مۇحتاردىڭ شەتەلدە ەكى رەت ەم قابىلداعانىن اتاپ ءوتتى.
ەسكە سالساق, ەربايان مۋحتار 2023 جىلدىڭ جەلتوقسانىندا اۋرۋحاناعا تۇسكەن. وعان بەس وتا جاسالعان, بىراق ناتيجە بولماعان. جاس جىگىت قىزمەت اتقارعان ۇلتتىق گۆارديا بولىمشەسىندە اتا-اناسىنا ونىڭ دارەتحانادا قۇلاپ, باسىن جەرگە سوققانى حابارلانعان.
الايدا ۇلتتىق گۆارديا سولداتتى ۇرعان بولۋى مۇمكىن دەگەن اقپاراتتى جوققا شىعارعان.
2025 جىلعى اقپان ايىنا دەيىن ەرباياننىڭ ىسىندە ەشبىر كۇدىكتى انىقتالماعان.
