فوتو: Vietnam News
ۆەتنامنىڭ تابيعي اپاتتاردىڭ زارداپتارىن جويۋ جانە بوگەتتەردى باسقارۋ باسقارماسىنىڭ مالىمەتىنشە, تايفۋن سالدارىنان ونداعان ءۇي قيراتىلىپ, 2 799 تۇرعىن ءۇي زاقىمدانعان, سونداي-اق 11 بالىق اۋلاۋ كەمەسى سۋعا كەتكەن.
ەڭ كوپ قيراۋ زيالاي جانە داكلاك تاۋلى پروۆينتسيالارىندا تىركەلدى. مۇندا 28 ەلەكتر جەتكىزۋ جەلىسى ۇزىلگەن, سالدارىنان شامامەن 1,6 ميلليون ادام جارىقسىز قالعان.
سينوپتيكتەردىڭ بولجاۋىنشا, جۇما مەن سەنبى ارالىعىندا تحانحوا پروۆينتسياسىنان باستاپ كۋانگچي پروۆينتسياسىنىڭ سولتۇستىك بولىگىنە دەيىنگى اۋماقتا جاۋىن-شاشىن مولشەرى 200 مم-گە دەيىن جەتۋى مۇمكىن.
جەرگىلىكتى بيلىك اپات سالدارىن باعالاۋ جانە قالپىنا كەلتىرۋ جۇمىستارىن ۇيىمداستىرىپ جاتىر.. ۆەتنامنىڭ ۆيتسە-پرەمەرى حو دىك فوك زارداپ شەككەن پروۆينتسيالارعا جەدەل كومەك كورسەتۋ ءۇشىن ورتالىق بيۋدجەت رەزەرۆىنەن 80 ميلليارد دونگ (شامامەن 3,04 ميلليون اقش دوللارى) ءبولۋ تۋرالى بۇيرىققا قول قويدى.
ايتا كەتسەك, ۆەتنام جاعالاۋىنا جەتپەي تۇرىپ, «كالماەگي» تايفۋنى ءفيليپپيندى دە سوققان ەدى, وندا رەسمي دەرەكتەر بويىنشا 188 ادام قازا تاپقان.
