رۋبيو اقش-تىڭ وڭتۇستىك جانە ورتالىق ازيا ىستەرى جونىندەگى ارنايى وكىلى سەردجيو گورانىڭ جانە مەملەكەتتىك حاتشىنىڭ ورىنباسارى كريستوفەر لانداۋدىڭ قازاقستانعا جاساعان ساپارىن «ماڭىزدى ميسسيا» دەپ اتادى.
«ولار قازاقستاندا ءبىراز ۋاقىت بولدى جانە ايماقتاعى باسقا ەلدەرگە دە بارۋعا اسىق. ءوز باسىم كەلەسى جىلى وسى بەس ەلدىڭ بارىنە بارۋدى جوسپارلاپ وتىرمىن — ساپار كەم دەگەندە ءبىر اپتاعا سوزىلادى دەپ ويلايمىن. بۇل جوسپاردى جۇزەگە اسىرۋ ءۇشىن جۇمىس ىستەپ جاتىرمىز», دەدى رۋبيو.
مەملەكەتتىك حاتشىنىڭ ايتۋىنشا, ترامپ اكىمشىلىگىنىڭ سىرتقى ساياساتى اقش-تىڭ ۇلتتىق مۇددەلەرىنە نەگىزدەلگەن, ال بۇل مۇددەلەر ورتالىق ازيا ەلدەرىنىڭ ماقساتتارىمەن ۇندەس.
ء«بىزدىڭ ۇلتتىق مۇددەلەرىمىز سايكەس كەلەدى. بۇگىنگى كەزدەسۋلەر مەن كەيىنگى كەلىسسوزدەر بۇل ارىپتەستىكتى ودان ءارى نىعايتادى. بۇل — اقش پەن ورتالىق ازيا اراسىنداعى قاتىناستاردىڭ جاڭا ءداۋىرىنىڭ باستاۋى», دەپ اتاپ ءوتتى ول.
ەسكە سالا كەتسەك, بۇعان دەيىن قازاقستان پرەزيدەنتى قاسىم-جومارت توقاەۆ رەسمي ساپارمەن ۆاشينگتونعا بارعان ەدى. مەملەكەت باسشىسى دونالد ترامپپەن كەلىسسوزدەر جۇرگىزىپ, C5+1 فورماتىنداعى (ورتالىق ازيا – اقش) سامميتكە قاتىسادى دەپ جوسپارلانعان.
