ساراپشىلاردىڭ مالىمەتىنشە, مەملەكەتتىك سەكتوردا تاريفتىك كەستەلەر مەن بىرىڭعاي نورماتيۆتەر قولدانىلادى, بۇل قىزمەتكەرلەردى يكەمدى تۇردە ىنتالاندىرۋ مۇمكىندىگىن شەكتەيدى.
ال جەكەمەنشىك سەكتور, كەرىسىنشە, كادر تاپشىلىعىنا جانە نارىق سۇرانىسىنا تەز بەيىمدەلىپ, جالاقى كولەمىنە تەك بىلىكتىلىكتى عانا ەمەس, ادام كاپيتالىنىڭ قۇنىن دا قوسادى.
Tengenomika زەرتتەۋىنە سايكەس, ورتاشا ايلىق جالاقىلار تومەندەگىدەي:
- مەملەكەتتىك سەكتور – 335 574 تەڭگە
- جەكەمەنشىك سەكتور – 468 130 تەڭگە
ەڭ جوعارى جالاقىنى 35–44 جاس ارالىعىنداعى قازاقستاندىقتار الادى — 455 070 تەڭگە.
45 جاستان كەيىن تابىس بىرتىندەپ تومەندەيدى, سەبەبى بۇل جاستاعى مامانداردىڭ كوبى اكىمشىلىك نەمەسە از جۇكتەمەلى قىزمەتتەرگە اۋىسادى.
ال جاستار (16–24 جاس) ورتا ەسەپپەن 279 875 تەڭگە الادى — بۇل ەڭ جوعارى جالاقى الۋشىلاردان 1,6 ەسە از.
ەڭ جوعارى جالاقى تىركەلگەن سالالار:
- سۋ كولىگى قىزمەتى — 1 145 878 تەڭگە
- كومپيۋتەرلىك باعدارلامالاۋ جانە IT-كونسالتينگ — 1 218 397 تەڭگە
- قارجى جانە ساقتاندىرۋ سالاسىنداعى قوسالقى قىزمەتتەر — 1 497 720 تەڭگە
- حولدينگتىك كومپانيالار مەن باسقارۋ كونسالتينگتەرى — 1 558 918 تەڭگە
ەڭ تومەن جالاقى تولەنەتىن سالالار:
- بالىق شارۋاشىلىعى مەن بالىق ءوسىرۋ — 158 154 تەڭگە
- قاۋىپسىزدىك جانە تەرگەۋ قىزمەتى — 201 679 تەڭگە
- مەكتەپكە دەيىنگى ءبىلىم بەرۋ — 206 707 تەڭگە
- ۆەتەريناريا — 229 363 تەڭگە
- الەۋمەتتىك قىزمەت كورسەتۋ (قامقورلىق مەكەمەلەرى) — 231 937 تەڭگە
– قازاقستاندا جالاقى قۇرىلىمى بارعان سايىن پولياريزاتسيالانىپ بارادى. جوعارى تابىستار نەگىزىنەن قوسىلعان قۇنى جوعارى سالالاردا شوعىرلانسا, الەۋمەتتىك جانە تومەن ءونىمدى قىزمەت تۇرلەرى ورنىندا قالىپ وتىر, – دەيدى ساراپشىلار.
ولاردىڭ پىكىرىنشە, ەگەر بۇل ءۇردىس ءتيىمدى ەڭبەك ساياساتى ارقىلى رەتتەلمەسە, ەلدە "اقىل مەن قول ەڭبەگى" اراسىنداعى تەڭسىزدىك تەرەڭدەپ, زياتكەرلىك ەڭبەك باعالانىپ, ال فيزيكالىق ەڭبەك قۇنسىزدانۋى مۇمكىن.
