فوتو: zhanaqorgan-tynysy.kz
سپيكەردىڭ ايتۋىنشا, حح عاسىردىڭ ورتاسىندا بۇل جانۋارلار ەل اۋماعىنان تولىقتاي جويىلىپ كەتكەن. 1953 جىلى تۇرىكمەنستاننان بارساكەلمەسكە 7 قۇلان اكەلىنىپ, اتالعان جانۋارلاردى تابيعاتقا قايتا قايتارۋ جونىندەگى جۇيەلى جۇمىستىڭ باستاماسى بولعان. عالىمدار مەن تابيعاتتى قورعاۋ ۇيىمدارىنىڭ كوپجىلدىق ەڭبەگىنىڭ ناتيجەسىندە ەلىمىزدە قۇلان پوپۋلياتسياسى جەتەرلىكتەي قالپىنا كەلتىرىلگەن.
«بۇگىندە ولاردىڭ سانى 4,6 مىڭ باستان اسىپ, جانۋارلار قايتادان دالا جانە شولەيت ەكوجۇيەلەرىندە كەڭىنەن تارالىپ جاتىر», دەدى د.تۇرعامباەۆ.
ايتۋىنشا, 2024 جىلى «التىن ەمەل» ۇلتتىق پاركىنەن 42 قۇلان «ىلە-بالقاش» رەزەرۆاتىنا جانە 24 قۇلان «التىن دالا» رەزەرۆاتىنا قايتا قونىستاندىرىلعان. بيىل كۇزدە تاعى 17 قۇلان «ىلە-بالقاش», 19 قۇلان «التىن دالا» رەزەرۆاتتارىنا جەتكىزىلگەن.
