فوتو:اشىق دەرەككوز
ء«بارى قايتارعان جوق. بىزدە 6 بانكتە وسىنداي مەملەكەتتىك كومەك بولعان. Halyk Bank پەن تسەنتركرەديت بانكى بۇل قاراجاتتى تولىق قايتاردى. تاعى ەكى بانك ءىشىنارا وتەدى. ال ءتورت بانكتە مەملەكەتتىك كومەك ءالى بار», دەدى اگەنتتىك توراعاسى.
ءمادينا ابىلقاسىموۆانىڭ ايتۋىنشا, قازىرگى تاڭدا الاتاۋ سيتي بانكىندە – 950,2 ملرد تەڭگە, ربك بانكتە – 176,8 ملرد تەڭگە, ەۋرازيالىق بانكتە – 150 ملرد تەڭگە, ال نۇربانكتە 46,8 ملرد تەڭگە كولەمىندە قارىز قالدىقتارى بار. بۇل قاراجاتتار بانكتەردىڭ قارجىلىق تۇراقتىلىعىن قامتاماسىز ەتۋ ماقساتىندا ۇلتتىق بانك تاراپىنان رەتتەلگەن وبليگاتسيالار تۇرىندە بەرىلگەن.
«بۇل مەملەكەتتىك بيۋدجەت قاراجاتى ەمەس, رەسپۋبليكالىق بيۋدجەتتەن بولىنگەن اقشا ەمەس. سوندىقتان بانكتەر بۇل قارىزدارىن بيۋدجەتكە ەمەس, ۇلتتىق بانككە قايتارادى», دەپ ءتۇسىندىردى م. ابىلقاسىموۆا.
اگەنتتىك باسشىسى بانكتەردىڭ قارىزدى تەزىرەك وتەۋى ءۇشىن بىرقاتار شارالار قابىلدانعانىن ايتتى.
ء«بىز ۇلتتىق بانكپەن بىرلەسىپ, ديۆيدەند تولەۋگە شەكتەۋ قويدىق. سونداي-اق مينيمالدى رەزەرۆتىك تالاپتار 10%-عا دەيىن كوتەرىلدى. وسى قادامدار بانكتەردى مەملەكەتتىك قولداۋ قاراجاتىن مەرزىمىنەن بۇرىن قايتارۋعا ىنتالاندىرادى», دەدى ابىلقاسىموۆا.
ونىڭ ايتۋىنشا, جىل سوڭىنا دەيىن تاعى ءبىر بانك قارىزىن تولىق وتەيدى, ەندى ءبىرى ءىشىنارا قايتارادى. قالعاندارىنىڭ 3-5 جىل ىشىندە بۇل مىندەتتەمەلەرىن مەرزىمىنەن بۇرىن ورىنداۋعا مۇمكىندىگى بار.
