فوتو جي كومەگىمەن جاسالدى
جاڭا نىسان اۋىل تۇرعىندارى مەن مال شارۋاشىلىعىمەن اينالىساتىن ازاماتتارعا ساپالى ۆەتەريناريالىق قىزمەت كورسەتەدى. پۋنكت اۋماعىندا ۆەتەريناريا ماماندارىنىڭ جانۋارلاردى ەگۋ جانە ەمدەۋ جۇمىستارىنا ارنالعان ارنايى اۋلامەن قامتاماسىز ەتىلگەن. ەندى جەرگىلىكتى تۇرعىندار جانۋارلار اۋرۋلارىن الدىن الىپ, ەمدەي الادى.
بۇگىندە ۇلىتاۋ وبلىسى بويىنشا بارلىعى 35 ۆەتەريناريالىق پۋنكت جۇمىس ىستەيدى. ولاردىڭ بارلىعى اۋداندىق اكىمدىكتەر مەن ۆەتەريناريالىق ستانتسيالاردىڭ عيماراتتارىندا ورنالاسقان. ال تۇگىسكەن اۋىلىنداعى جاڭا پۋنكت – جەكە عيمارات رەتىندە اۋىل سىرتىندا ورنالاسقان العاشقى نىسانداردىڭ ءبىرى.
بۇل جوبا — ۇلىتاۋ وبلىسىندا ۆەتەريناريا سالاسىن دامىتۋ, جانۋارلاردى قورعاۋ جانە اۋىل تۇرعىندارىنىڭ قاۋىپسىزدىگىن ارتتىرۋ باعىتىنداعى ماڭىزدى قادام بولىپ تابىلادى.
ايتا كەتۋ كەرەك, كەلەسى جىلى 18 ۆەتەريناريالىق پۋنكت جانە ءبىر ۆەتەريناريالىق ستانسا سالۋ جوسپاردا بار.
ۇلىتاۋ وبلىسى
