فوتو: ەنەرگەتيكا مينيسترلىگى
اقكەنجەنوۆ اتاپ وتكەندەي, اقش كومپانيالارى تەڭىز, قاراشىعاناق جانە قاشاعان سياقتى ءىرى جوبالاردا نەگىزگى سەرىكتەستەر بولىپ تابىلادى. سونداي-اق قازاقستاننىڭ ەنەرگەتيكالىق الەۋەتىنە سەنىم بىلدىرەتىن العاشقى ينۆەستورلاردىڭ ءبىرى.
«قازاقستاندا ىسكە اسىرىلىپ جاتقان جوبالار ءبىزدىڭ امەريكالىق ارىپتەستەرىمىزدىڭ جاھاندىق پورتفەلدەرىندەگى نەگىزگى اكتيۆتەرگە اينالدى. بۇل جوبالاردىڭ اۋقىمى قازاقستاننىڭ الەمدىك ەنەرگەتيكالىق تۇراقتىلىقتى قامتاماسىز ەتۋدەگى ستراتەگيالىق ماڭىزدىلىعىن كورسەتەدى ءارى ءوزارا ءتيىمدى ىنتىماقتاستىقتىڭ ايقىن دالەلى بولىپ وتىر», دەدى مينيستر.
كەزدەسۋدە جاڭا كەن ورىندارىن يگەرۋ جوسپارلارى مەن ءىرى بىرلەسكەن جوبالاردى ىسكە اسىرۋ جولدارى تالقىلاندى. سونداي-اق, كاسپي قۇبىر كونسورتسيۋمىنىڭ تۇراقتى جانە سەنىمدى جۇمىسىن قامتاماسىز ەتۋ ماسەلەسى قارالدى.
داگ بەرگۋم قازاقستانداعى ينۆەستيتسيالىق احۋالدى جوعارى باعالاپ, ءىرى امەريكالىق مۇناي-گاز كومپانيالارىنىڭ ۇزاق مەرزىمدى تابىستى قىزمەتى بۇعان دالەل ەكەنىن ايتتى. ول ەنەرگەتيكا سالاسىن تسيفرلاندىرۋ باعىتىندا بىرلەسكەن جوبالاردى دامىتۋعا اقش تاراپىنىڭ مۇددەلى ەكەنىن اتاپ ءوتتى.
كەزدەسۋ ەكى ەلدىڭ ەنەرگەتيكالىق سەرىكتەستىكتى نىعايتۋعا, ۇزاقمەرزىمدى جانە ءوزارا ءتيىمدى ىنتىماقتاستىق ورناتۋعا دەگەن نيەتىن راستادى.
