فوتو: cariva.com
مينيستر ۇكىمەت وتىرىسىنىڭ قورىتىندىسى بويىنشا وتكەن ءباسپاسوز كونفەرەنتسياسىندا مايلى داقىلدار, جۇگەرى جانە قانت قىزىلشاسىن جيناۋ جۇمىستارى جالعاسىپ جاتقانىن اتاپ ءوتتى.
ول ەگىن جيناۋ ناۋقانى ءساتتى ءوتىپ, جاقسى ناتيجەلەرگە قول جەتكىزىلگەنىن ايتتى.
«شارۋالار ۋاقتىلى قارجى رەسۋرستارىمەن, تەحنيكامەن جانە جەڭىلدەتىلگەن جانار-جاعارمايمەن قامتاماسىز ەتىلدى. بيىل جالپى ەگىن جيناۋ الاڭى 23,6 ملن گەكتاردى قۇرادى, ونىڭ ىشىندە 16 ملن گەكتاردان استامى – ءداندى جانە ءداندى-بۇرشاقتى داقىلدار. ورتاشا ونىمدىلىك گەكتارىنا 17 تسەنتنەر دەڭگەيىندە قالىپتاسىپ, 27,1 ملن توننا استىق قامباعا قۇيىلدى», دەدى ا.ساپاروۆ.
