«تازا قازاقستان», «ادال ازامات» جانە «زاڭ مەن ءتارتىپ» ۇستانىمدارىن ناسيحاتتاۋعا ارنالعان مۋرالدار سارقان اۋدانىنىڭ سارقان قالاسىندا, قاراتال اۋدانىنىڭ ۇشتوبە قالاسىندا جانە كوكسۋ اۋدانىنىڭ بالپىق بي اۋىلىنداعى كوپ قاباتتى ۇيلەردىڭ قابىرعاسىنا سالىندى.
– ءبىزدىڭ تۇسىنىگىمىزدە مۋرال – جاي عانا بەينەلەۋ ونەرىنىڭ تۋىندىسى ەمەس, ول قوعام مۇشەلەرىنە ومىرلىك ۇستانىمدار مەن قۇندىلىقتاردى ەسكە سالاتىن ەرەكشە سيمۆول, – دەيدى «جەتىسۋ جاستارى» كمم ديرەكتورى ءشامىل ۆانكەەۆ.
بۇل جۇمىستار قورشاعان ورتاعا جاناشىرلىقپەن قاراۋ مەن ەكولوگيالىق مادەنيەتتى ارتتىرۋدىڭ ماڭىزىن جەتكىزەدى. سونداي-اق ادالدىق پەن جەكە جاۋاپكەرشىلىككە, زاڭعا باعىنۋ مەن قوعامدىق ءتارتىپتى ساقتاۋعا شاقىرادى. تازالىق, ادال ەڭبەك جانە ءوزارا قۇرمەت – تۇراقتى ءارى ءادىل قوعامنىڭ نەگىزى.
ءبىز ءار ادامنىڭ كۇندەلىكتى ءىس-ارەكەتى ەلدىڭ جارقىن بولاشاعىن قالىپتاستىرادى دەپ سەنەمىز.
