فوتو: istockphoto.com
1 ماۋسىمنان باستاپ SCAT Airlines شىمكەنتتەن سانكت-پەتەربۋرگ قالاسىنا رەيستەر ورىنداي باستايدى. ال 2 ماۋسىمدا قازاقستان مەن موڭعوليا اراسىنداعى العاشقى تىكەلەي اۋە قاتىناسى «استانا – ۇلان-باتور» باعىتى اشىلادى.
9 ماۋسىمنان باستاپ تەل-اۆيۆ باعىتى بويىنشا رەيستەر ىسكە قوسىلادى. سونىمەن قاتار Air Astana اۋە كومپانياسى استانا مەن الماتىدان لارناكا قالاسىنا جانە «استانا – گۋانچجوۋ» باعىتىنا جاڭا رەيستەر اشپاق.
FlyArystan اۋە كومپانياسى دا باعىتتار جەلىسىن كەڭەيتىپ جاتىر. 6 ماۋسىمنان باستاپ «اقتاۋ – باتۋمي», ال 26 ماۋسىمنان باستاپ «اقتاۋ – ءۇرىمشى» باعىتتارى بويىنشا رەيستەر اشىلادى.
16 ماۋسىمنان باستاپ Azerbaijan Airlines (AZAL) شىمكەنت پەن باكۋ اراسىندا تۇراقتى اۋە قاتىناسىن ىسكە قوسادى. رەيستەر اپتاسىنا ەكى رەت ورىندالادى.
تەمىرجول سالاسىندا دا جاڭالىق بار. 1 ماۋسىمنان باستاپ «قاراعاندى – بالقاش» جاڭا پويىزى جولعا شىقتى. بۇدان بولەك, 16 ماۋسىمنان باستاپ «قازاقستان تەمىر جولى» ۇلتتىق كومپانياسى ەلىمىزدىڭ كۋرورتتىق جانە تۋريستىك ايماقتارىنا قوسىمشا 15 تەمىرجول باعىتىن ىسكە قوسۋدى جوسپارلاپ وتىر.
ەسكە سالا كەتەيىك, بۇاعان دەيىن الماتىدان ۆارشاۆا مەن يزمير باعىتىنا جاڭا رەيستەر اشىلاتىندىعىن جازعان ەدىك.
