فوتو Pexels.com
استانادا قۇبىلمالى بۇلتتى اۋا رايى قالىپتاسىپ, ازداعان جاڭبىر جاۋادى, نايزاعاي ويناپ, بۇرشاق ءتۇسۋى مۇمكىن. جەلدىڭ جىلدامدىعى 9-14 م/س, كۇندىز ەكپىنى 15-20 م/س-قا جەتەدى. اۋا تەمپەراتۋراسى تۇندە +18...+20°C, كۇندىز +28...+30°C بولادى.
الماتىدا جاۋىن-شاشىنسىز كۇن رايى ساقتالادى. تۇندە +20...+22°C, كۇندىز +33...+35°C ىستىق بولادى. شىمكەنتتە قىسقا مەرزىمدى جاڭبىر جاۋىپ, نايزاعاي كۇتىلەدى. كۇندىز اۋا تەمپەراتۋراسى +35...+37°C-قا دەيىن كوتەرىلەدى.
قازاقستاندا جاز ايلارىندا اۋا رايى قانداي بولادى؟ سينوپتيكتەر بولجامى
وڭتۇستىك وڭىرلەردە اپتاپ ىستىق ساقتالادى. قوناەۆتا كۇندىز +36...+38°C, تارازدا +35...+37°C, قىزىلوردادا +34...+36°C بولادى. ال تۇركىستاندا اۋا تەمپەراتۋراسى +38...+40°C-قا دەيىن جەتىپ, وڭىردەگى ەڭ جوعارى كورسەتكىشتەردىڭ ءبىرى تىركەلمەك.
باتىس قازاقستان وبلىسىنىڭ ورتالىعى ورالدا جاڭبىر جاۋىپ, نايزاعاي وينايدى. سونىمەن قاتار بۇرشاق پەن داۋىل كۇتىلەدى. كۇندىزگى تەمپەراتۋرا +16...+18°C شاماسىندا بولادى. اقتوبەدە دە جاڭبىر جاۋىپ, اۋا تەمپەراتۋراسى +17...+19°C-تان اسپايدى. اتىراۋدا جاڭبىر مەن نايزاعاي بولجانعان.
سولتۇستىك وڭىرلەردە دە تۇراقسىز اۋا رايى ساقتالادى. پەتروپاۆلدا بۇلتتى بولىپ, جاڭبىر جاۋادى, نايزاعاي وينايدى. جەلدىڭ ەكپىنى تۇندە 15-20 م/س-قا دەيىن كۇشەيىپ, كەي ۋاقىتتا 25 م/س-قا جەتۋى ىقتيمال. كوكشەتاۋدا تۇندە جاڭبىر مەن نايزاعاي كۇتىلەدى. قوستانايدا جاۋىن-شاشىنسىز كۇن رايى بولجانعان.
ورتالىق جانە شىعىس وڭىرلەردە كۇن قۇبىلمالى بولادى. جەزقازعان, قاراعاندى جانە پاۆلودار قالالارىندا جاڭبىر جاۋىپ, نايزاعاي وينايدى. ال سەمەي مەن وسكەمەندە جاۋىن-شاشىنسىز اۋا رايى ساقتالادى. تالدىقورعان مەن اقتاۋدا دا جاۋىن-شاشىن كۇتىلمەيدى.
ەسكە سالايىق, جالپى مامىر ايىندا اۋا رايى قۇبىلمالى بولدى.
