فوتو: Polisia.kz
قازاقستان جانە قىرعىزستان ىشكى ىستەر مينيسترلىكتەرى تىعىز ءوزارا ءىس-قيمىل مەن شەكارا ماڭى ىنتىماقتاستىعى شەڭبەرىندە, اپيىن توبىنا جاتاتىن ەسىرتكى زاتتارىن جەتكىزۋدىڭ سىرتقى ترانسۇلتتىق ارناسىنىڭ جولىن كەستى.
ءىىم ەسىرتكى قىلمىسىنا قارسى ءىس-قيمىل كوميتەتىنىڭ باسقارما باستىعى باقىتجان ءامىرحانوۆتىڭ ايتۋىنشا, بىرلەسكەن ارنايى وپەراتسيا بارىسىندا شىمكەنت قالاسىندا قازاقستاننىڭ ەكى ازاماتى ۇستالىپ وتىر.
«ولاردان شامامەن 5 كەلى اۋعاندىق اپيىن ەسىرتكى زاتى تاركىلەندى. اتالعان فاكتى بويىنشا قىلمىستىق كودەكستىڭ 297-بابىنىڭ 3-بولىگىنە سايكەس سوتقا دەيىنگى تەرگەپ-تەكسەرۋ باستالدى. كۇدىكتىلەر ۋاقىتشا ۇستاۋ يزولياتورىنا قامالدى. قازىرگى ۋاقىتتا ولاردىڭ ارەكەتتەرىنە ەسىرتكى كونترابانداسى جانە ترانسۇلتتىق ۇيىمداسقان قىلمىستىق توپقا قاتىسۋ بەلگىلەرى بويىنشا قوسىمشا قۇقىقتىق باعا بەرۋ ماسەلەسى قاراستىرىلىپ جاتىر», دەدى ب. ءامىرحانوۆ.
ءبىر كەلى ەسىرتكى جۇتقان: قازاقستانعا اپيىن وتكىزبەك بولعان شەتەلدىك ۇستالدى
