بيىل 41 ۋچاسكە بويىنشا ءۇش كونكۋرس ۇيىمداستىرىلىپ, 6,4 مىڭ گەكتار جەر يەلەرىن تاپقان. قالعان 16,7 مىڭ گەكتار جەر 2026 جىلدىڭ العاشقى جارتىسىنا دەيىن كونكۋرس نەگىزىندە شارۋالارعا بەرىلەدى.
اۋداننىڭ اگرارلىق سالاسىندا دا وڭ ديناميكا بايقالادى. بيىلعى جىلدىڭ توعىز ايىندا 24,3 ملرد تەڭگەنىڭ اۋىل شارۋاشىلىعى ءونىمى ءوندىرىلىپ, ەگىس كولەمى 30,7 مىڭ گەكتاردى قۇرادى. ديقاندار 47 جاڭا تەحنيكا ساتىپ الىپ, «كەڭ دالا-2» باعدارلاماسى اياسىندا 605,8 ملن تەڭگە جەڭىلدەتىلگەن نەسيە العان.
سونىمەن قاتار, يسلام دامۋ بانكىنىڭ قارجىسىمەن «كوكسۋ اۋدانىنىڭ سۋارۋ جەلىلەرىن قايتا جاڭارتۋ» جوباسى جۇزەگە اسۋدا. جوبا 2027 جىلى اياقتالىپ, 16 مىڭ گەكتار اۋماقتىڭ سۋارمالى جۇيەسى جاقسارماق.
اۋداننىڭ ۆەتەريناريالىق ينفراقۇرىلىمى دا جاڭارىپ كەلەدى: سوڭعى ەكى جىلدا 8 اۋىلدا جاڭا ۆەتەريناريالىق پۋنكتتەر ورناتىلىپ, 4 قىزمەتتىك كولىك ساتىپ الىنعان.
كەزدەسۋدە تۇرعىندار اۋىزسۋ, جارىقتاندىرۋ, اباتتاندىرۋ جانە كارىز جۇيەسى ماسەلەلەرىن كوتەردى. اكىم بۇل باعىتتاعى جوبالاردىڭ كەزەڭ-كەزەڭىمەن ىسكە اساتىنىن ايتتى. سونداي-اق ءوڭىر باسشىسى م. سەڭگىرباەۆ اتىنداعى ورتالىق ساياباقتىڭ اباتتاندىرۋ بارىسىمەن جانە جاڭا 20 پاتەرلى تۇرعىن ۇيمەن تانىستى.
قورىتىندىسىندا, وبلىس اكىمى تۇرعىنداردىڭ سۇراقتارىنا جاۋاپ بەرىپ, كوتەرىلگەن ماسەلەلەردىڭ بارلىعى باقىلاۋعا الىناتىنىن جەتكىزدى.
