جوبا اۋىلدىق ايماقتاردى تۇراقتى دامىتۋ قورى مەن Kazakh Tourism كومپانياسىنىڭ سەرىكتەستىگى نەگىزىندە دايىندالعان قاتونقاراعاي اۋدانىنداعى ءتۋريزمدى تۇراقتى دامىتۋ جونىندەگى ماستەر-جوسپاردىڭ ءبىر بولىگى رەتىندە جۇزەگە اسىپ جاتىر.
اعىلشىن تىلىنەن ساباقتى ەكى شەتەلدىك مامان – فيليپپيندىك مايكل سەكاررو ناپال مەن گانالىق ەبەنەزەر يەبوا وۆۋسۋ بەرەدى. ساباقتا تۋريزم سالاسىندا قىزمەت كورسەتەتىن تۇرعىندارعا بازالىق سويلەۋ, ءوڭىردىڭ ەكوجۇيەسى مەن مادەني ەرەكشەلىكتەرىن اعىلشىن تىلىندە تانىستىرۋ داعدىلارى وقىتىلادى.
قاتونقاراعاي كەيىنگى جىلدارى ەلىمىزدەگىتانىمال ەكوتۋريستىك باعىتتاردىڭ بىرىنە اينالدى. اۋدان اۋماعىندا تۋريستەرگە ارنالعان ينفراقۇرىلىم دامىپ كەلەدى, جاڭا اۋەجاي قۇرىلىسى ءجۇرىپ جاتىر.
قاتونقاراعايدى تۇراقتى دامىتۋ قورىنىڭ ءمىندەتىن اتقارۋشى ديرەكتورى ولجاس ءشارىپبەكوۆتىڭ ايتۋىنشا, اعىلشىن ءتىلىن وقىتۋ باعدارلاماسى – وڭىردە تۇراقتى ءتۋريزمدى دامىتۋ ستراتەگياسىنىڭ ءبىر بولىگى.
ال شەتەلدىك ۇستازدار قاتونقاراعايعا «اۋىل بالالارىنا ارنالعان اعىلشىن ءتىلى» جوباسى اياسىندا كەلگەن. جوبا ناتيجەسىندە اۋدان تۇرعىندارى شەتەلدىك قوناقتارمەن ەركىن سويلەسىپ, قىزمەت ساپاسىن ارتتىرىپ, تۋريزم ارقىلى جەرگىلىكتى ەكونوميكانى دامىتپاق. سونىمەن قاتار, باستاما ءوڭىردىڭ تابيعي جانە مادەني مۇراسىن ساقتاۋ ىسىنە دە ۇلەس قوسادى.
