«دامۋ» قورى وڭىرلىك فيليالىنىڭ ديرەكتورى مەدەت ەربول ۇلىنىڭ ايتۋىنشا, قوستاناي وبلىسىندا سونىمەن قاتار «بيزنەس-كومەك» ايماقتىق باعدارلاماسى جۇزەگە اسىرىلىپ جاتىر. باعدارلاما شارتتارى بويىنشا نەسيەنى ارقالىق قالاسى, امانگەلدى جانە جانگەلدين اۋداندارىنىڭ اۋماعىندا تىركەلگەن كاسىپكەرلەر الا الادى. بيىل بۇل باعىتتا «دامۋ» قورىنىڭ قوستاناي فيليالى جالپى سوماسى 200 ملن تەڭگە بولاتىن 6 سۋبسيديا شارتىنا قول قويعان.
وڭىرلىك فيليال تاراپىنان قولداۋ تاپقان جوبالاردىڭ دەنى وڭدەۋ ونەركاسىبىنە, اۋىل شارۋاشىلىعى, مەديتسينا, ساۋدا-ساتتىق سالاسىنا تيەسىلى.
«شاعىن جانە ورتا بيزنەس ەكونوميكانى دامىتۋدا شەشۋشى ءرول اتقارادى. «دامۋ» قورى ۇلتتىق دامۋ ينستيتۋتى بولا وتىرىپ, قازاقستاننىڭ بارلىق وڭىرلەرىندە شوب-تىڭ ساپالى دامۋىنا جاردەمدەسەدى. ونىڭ ەكونوميكالىق اسەرى مول. ءبىزدىڭ مىندەتىمىز – مەملەكەتتىك قولداۋ قۇرالدارى كاسىپكەرلەردىڭ دامۋىنا, جاڭا جۇمىس ورىندارىن قۇرۋعا, وندىرىلەتىن ءونىم تۇرلەرىن كەڭەيتۋگە, تاۋار اينالىمىن ۇلعايتۋعا جانە نارىقتاعى ءوز پوزيتسيالارىن نىعايتۋعا كومەكتەسۋى. بۇل ايماقتىق ەكونوميكانىڭ تۇراقتىلىعىنا جانە ادامداردىڭ ءومىر ءسۇرۋ ساپاسىنا تىكەلەي اسەر ەتەدى», دەيدى قوردىڭ وبلىستاعى فيليالىنىڭ ديرەكتورى مەدەت ەربول ۇلى.
«دامۋ» قورى ۇيىمداستىرعان ءباسپاسوز تۋرى بارىسىندا باق وكىلدەرى ماكارون ونىمدەرىن شىعاراتىن «ادال LTD» زاۋىتىندا بولدى. اتالعان كاسىپورىن مەملەكەتتىك قولداۋ اياسىندا ماكارون ونىمدەرىن شىعاراتىن زاماناۋي قۇرىلعى ساتىپ العان. جاڭا تەحنولوگيا نەگىزىندە جۇمىس ىستەيتىن «اقىلدى» قۇرىلعى ساعاتىنا 300 كگ قىسقا, 100 كگ ۇزىن ماكارون شىعارادى.
«جاڭا جەلىلەر بىزگە ۇلتتىق جانە حالىقارالىق ستاندارتتارعا سايكەس كەلەتىن جوعارى ساپالى ونىمدەر شىعارۋعا مۇمكىندىك بەرىپ وتىر. جاڭا جوبانى ىسكە اسىرۋ بارىسىندا جالپى اۋدانى 4000 شارشى مەتر قويماسى بار جاڭا ءوندىرىس الاڭى سالىندى. بۇل عيمارات ونەركاسىپتىك قاۋىپسىزدىك, گيگيەنا جانە ەنەرگيا تيىمدىلىگىنىڭ بارلىق تالاپتارىنا جاۋاپ بەرەدى», دەيدى كاسىپورىن باسشىسى تالعات ناۋرىزباەۆ.
«ادال LTD» جشس مەملەكەتتىك باعدارلامالارعا بىرنەشە رەت قاتىسىپ, اينالىم قاراجاتى مەن ينۆەستيتسيا ءۇشىن قارجى العان. 2024 جىلى كومپانيا «قازاقستان حالىق بانكىنەن» «دامۋ-ءوندىرىس» باعدارلاماسى اياسىندا جەڭىل نەسيە الىپ, وندىرىستىك جەلىلەر ساتىپ الادى. ال 2025 جىلى شىلدەدە «ورلەۋ» باعدارلاماسى اياسىندا اينالىم قاراجاتىن تولىقتىرۋ ءۇشىن جىلىنا 12,6%-بەن جەڭىل نەسيە العان. كومپانيا ونىمدەرى «Arvena» برەندىمەن شىعارىلادى.
«جاڭا جەلى تاۋلىگىنە 72 توننا ماكارون, 24 توننا كەسپە شىعارادى. كومپانيادا وسى جوبا اياسىندا 18 جاڭا جۇمىس ورنى اشىلدى. ءوندىرىس كولەمى ۇلعايعان سوڭ ونىمدەرىمىزدى وسى وڭىردە, ەل كولەمىندە ساۋداعا شىعارۋمەن قاتار, الىس جانە جاقىن شەتەلدەرگە ەكسپورتتاۋعا مۇمكىندىك الدىق», دەيدى زاۋىت باسشىسى.
«ورلەۋ» باعدارلاماسىن ءتيىمدى پايدالانىپ وتىرعان كاسىپورىننىڭ ءبىرى – جيھاز ماتەريالدارىن شىعاراتىن «KIRA» كومپانياسى. اتالعان كاسىپورىننىڭ اۋماعى 12000 شارشى مەتردەن اساتىن وندىرىستىك الاڭى بار. مۇنداعى زاماناۋي اۆتوماتتى جەلىلەر تاۋلىگىنە 10 000 شارشى مەترگە دەيىن مدف قاسبەتتەرىن, ايىنا 12000 تاقتاي ماتەريالدارىن, 3000 دانا دايىن جيھاز بۇيىمدارىن شىعارادى.
كومپانيا ونىمدەرىن الماتى, استانا, قوستاناي, اقتوبە, كوكشەتاۋ قالالارىنا جىبەرەدى.
«2025 جىلدىڭ تامىزىندا ءبىزدىڭ كومپانيا «دامۋ» قورىنىڭ «ورلەۋ» باعدارلاماسى اياسىندا «قازاقستان حالىق بانكىنەن» اينالىم قاراجاتىن تولىقتىرۋ ءۇشىن 12,6%-بەن نەسيە الدى. وسى قولداۋ قارجىنىڭ كومەگىمەن كومپانيا جاڭا جۇمىس ورىندارىن قۇرىپ, ءوندىرىس قۋاتىن ارتتىردى. جوعارى ساپا ستاندارتتارىن ساقتاي وتىرىپ, ءونىم كولەمىن كوبەيتۋگە مۇمكىندىك الدى», دەيدى كاسىپورىن باسشىسى دەنيس دياديۋن.
قوستاناي وبلىسى
