فوتو: Polisia.kz
اتالعان ەكى پوليتسەي كولىكتى كۇمان تۋدىرارلىقتاي باسقارىپ كەلە جاتقان جۇرگىزۋشىنى بايقاپ قالعان. پوليتسەيلەردىڭ توقتاۋ تۋرالى تالابىنا جۇرگىزۋشى جاۋاپ بەرمەي, قارسى باعىتتاعى جولاققا شىعىپ, جول جيەگىنە سوعىلعان. جاعدايدى تەز باعامداعان ءتارتىپ ساقشىلارى قارسى باعىتتاعى قوزعالىستى توقتاتىپ, كولىكتى قاۋىپسىز تۇردە توقتاتقان. ءسويتىپ, ىقتيمال جول-كولىك وقيعاسىنىڭ الدىن العان.
كولىكتە 60 جاستاعى ەر ادام جانە كامەلەتكە تولماعان ەكى بالا بولعان. كەيىن انىقتالعانداي, جۇرگىزۋشى ءوزىن كەنەتتەن جايسىز سەزىنىپ, باسى اينالىپ, جاعدايى كۇرت ناشارلاعان.
پوليتسەيلەر بىردەن جەدەل جاردەم شاقىرىپ, دارىگەرلەردىڭ نۇسقاۋىمەن ەر ادامعا العاشقى مەديتسينالىق كومەك كورسەتتى. دارىگەرلەر ونىڭ جاعدايىن «ينسۋلت العان» دەپ باعالاپ, پوليتسەيلەردىڭ جەدەل ارەكەتىنىڭ ارقاسىندا اۋىر زارداپتىڭ الدىن العانىن اتاپ وتكەن.
اۋداندىق پوليتسيا باسشىسى قىزمەتكەرلەرىنىڭ كاسىبي دايىندىعى مەن جاۋاپكەرشىلىگىن جوعارى باعالادى, ال 60 جاستاعى ەر ادام ءوز ءومىرىن ساقتاپ قالعان پاترۋلدىك پوليتسيا قىزمەتكەرلەرىنە ريزاشىلىعىن ءبىلدىردى.
پاترۋلدىك پوليتسيا قىزمەتكەرلەرىنىڭ ۇيلەسىمدى ءارى جەدەل ءىس-قيمىلى ارقاسىندا وسىلايشا ءۇش ادامنىڭ ءومىرى ساقتالىپ قالدى.
