فوتو: اشىق دەرەككوز
اكىمنىڭ سوزىنشە, بۇگىندە قوسشىدان ەلورداعا كۇن سايىن 15–20 مىڭ كولىك قاتىنايدى. بۇل قالا كوشەلەرىنە ەلەۋلى جۇكتەمە ءتۇسىرىپ وتىر.
«قوسشى قالاسى ۇلعايىپ كەلەدى, بۇل استاناعا ۇلكەن كومەك كورسەتەتىن, كەپتەلىستى ازايتاتىن ءىرى سەرىكتەس قالا. سوندىقتان ءبىز كەلەسى كەزەڭدە ءدال وسى باعىتتا LRT سالۋدى جوسپارلاپ وتىرمىز», دەدى جەڭىس قاسىمبەك.
ونىڭ ايتۋىنشا, بۇل باعىت جوبانىڭ ەكىنشى كەزەڭىنىڭ ءبىر بولىگى عانا. ەكىنشى تارماق سىعاناق كوشەسى ارقىلى تۇران داڭعىلىنا, ودان ءارى قالانىڭ ەسكى بولىگىنە تەمىرجول ۆوكزالىنا دەيىن جالعاسادى. ال قوسشىعا باراتىن بولىگىن شامامەن ءبىر جارىم جىلدىڭ ىشىندە اياقتاۋ كوزدەلىپ وتىر.
قارجىلاندىرۋ ماسەلەسىنە توقتالعان اكىم, بۇل جوباعا قاجەت قاراجاتتىڭ ءبىر بولىگى قارىز قاراجات ەسەبىنەن تارتىلۋى مۇمكىن ەكەنىن اتاپ ءوتتى. سونىمەن قاتار, كوسشى باعىتىنا باراتىن LRT جەلىسىنىڭ ءبىر بولىگى جەر ۇستىمەن وتەدى.
قازىر تاڭەرتەڭگى ۋاقىتتا, اسىرەسە ساعات 08:00 شاماسىندا, 50 مىڭنان استام ادام قوسشىدان قالاعا بەت الادى. بۇل تۇران, قابانباي باتىر جانە ماڭگىلىك ەل داڭعىلدارىندا ۇلكەن كولىك كەپتەلىسىن تۋدىرادى», دەدى اكىم.
