اتىراۋ وبلىسىندا قانشا مەملەكەتتىك قىزمەتشى جۇمىس ىستەيدى؟

مەملەكەتتىك قىزمەت ىستەرى اگەنتتىگى اتىراۋ وبلىسى بويىنشا دەپارتامەنتىنىڭ مالىمەتىنە قاراعاندا, مەملەكەتتىك قىزمەتشىلەردىڭ 64 پايىزىن ايەلدەر قۇرايدى. بيىلعى 9 ايدا ولاردىڭ سانى 1759-عا جەتكەن.

ال ەرلەردىڭ ۇلەسى 36 پايىزبەن شەكتەلىپ وتىر. قازىر مەملەكەتتىك قىزمەتتە 984 ەر ادام قىزمەت اتقارادى.

مۇنايلى وڭىردەگى مەملەكەتتىك قىزمەتشىلەردىڭ 95 پايىزىنىڭ جوعارى ءبىلىمى بار. ونىڭ ىشىندە «بولاشاق» حالىقارالىق باعدارلاماسىنىڭ 5, مەملەكەتتىك قىزمەت اكادەمياسىنىڭ 29 تۇلەگى جۇمىس ىستەپ ءجۇر.

بۇل سالاداعى جاستاردىڭ ۇلەسى 33 پايىزدى قۇرايدى. مەملەكەت پەن بۇقارانىڭ اراسىنداعى دانەكەرگە اينالعان جاس بۋىننىڭ ورتاشا ەڭبەك وتىلىنە 11 جىل 8 اي بولعان. ولاردىڭ لاۋازىمدىق قىزمەتتەگى ورتاشا ءوتىلى – 4 جىل 9 اي.

بيىلعى 9 ايدا 222 كونكۋرس جاريالانىپ, 1113 ادام باعىن سىناعان. كونكۋرستىق كوميسسيانىڭ شەشىمىمەن 173 ادام جۇمىسقا قابىلدانىپتى. ال تەستىلەۋگە 1992 ادام قاتىسىپتى.

«وسى كەزەڭدە 405 مەملەكەتتىك قىزمەتشى وقۋدان, 87 ادام قايتا دايارلاۋدان ءوتتى. بىلىكتىلىگىن ارتتىرۋعا 318 قىزمەتشى قاتىستى», دەپ حابارلادى وڭىرلىك دەپارتامەنتتەن.

الايدا مەملەكەتتىك قىزمەت سالاسىنداعى جۇمىسىنان كەتكەندەر 3,4 پايىزدى قۇرايدى.