پەريناتالدىق ورتالىق ديرەكتورىنىڭ ۋاقىتشا مىندەتىن اتقارۋشى مەرۋەرت ايدارحانوۆانىڭ ايتۋىنشا, بولىمشەگە بيۋدجەت قارجىسى ەسەبىنەن زاماناۋي جوندەۋ جۇرگىزىلگەن. سونداي-اق اۋانى تازارتىپ, جەلدەتەتىن جۇيە, جاڭادان حيرۋرگيالىق جارىقتاندىرۋ جابدىعى, رەانيماتسيالىق ۇستەل, تىنىس الۋ اپپاراتى مەن MAC R32D رەنتگەن قوندىرعىسى ورناتىلعان.
«بولىمشەنىڭ جۇمىسى قىركۇيەك ايىندا باستالدى. سودان بەرى 4 نارەستەگە ءساتتى وتا جاسالدى. ءبىزدىڭ ورتالىقتا جوعارى كاسىبي نەوناتولوگ-دارىگەرلەر جۇمىس ىستەيدى. ولار ارنايى مەديتسينالىق جابدىقتىڭ كومەگىمەن شۇعىل حيرۋرگيالىق كومەكسىز امان قالۋعا مۇمكىندىگى جوق بالالاردىڭ ءومىرىن ساقتاۋدى كوزدەيدى», دەيدى مەرۋەرت ايدارحانوۆا.
ونىڭ دەرەگىنە قاراعاندا, وبلىستا جىل سايىن 25-30 نارەستە حيرۋرگيالىق پاتولوگيامەن ومىرگە كەلەدى. ەندى جاڭا بولىمشە بوبەكتىڭ العاشقى ءومىرىن ساقتاپ قالۋعا, ءسابي ءولىمىنىڭ سانىن ازايتۋعا ىقپال ەتەدى.
